28-fevral kuni ertalab Boyqo‘ng‘ir kosmodromidan “Soyuz-2.1b” tashuvchi raketasi Arktika mintaqasida iqlim va atrof-muhitni monitoring qilish uchun mo‘ljallangan “Arktika-M” kosmik qurilmasi bilan birga uchirildi, deb yozadi “RBK” “Roskosmos” matbuot xizmatiga tayanib.
Foto: “Roskosmos”
“2021-yil 28-fevral kuni Moskva vaqti bilan soat 09:55:01 (Toshkent vaqti bilan soat 11:55)da Boyqo‘ng‘ir kosmodromining 6-maydonchasi 6-start qurilmasidan ‘Soyuz-2.1b’ eltuvchi raketasi ‘Fregat’ tezlashtiruvchi bloki va birinchi ‘Arktika-M’ kosmik qurilmasi bilan birga uchirildi”, — deyiladi xabarda.
Eltuvchi raketa pog‘onalari va tezlashtiruvchi blokning ajralishi muvaffaqiyatli kechgan. Shundan keyin “Fregat” tezlashtiruvchi bloki qurilmani orbitaga olib chiqishda davom etgan. U Toshkent vaqti bilan, taxminan, soat 14:14 da ajralib chiqdi. Shundan keyin boshqaruv buyurtmachiga topshirildi.
#Видео
Первый российский аппарат #АрктикаМ для мониторинга климата и окружающей среды в арктическом регионе запущен ракетой-носителем «Союз-2.1б» с космодрома #Байконур.
Разгонный блок «Фрегат» продолжил выведение аппарата на заданную орбиту 🚀 pic.twitter.com/8xMI3IH56y— РОСКОСМОС (@roscosmos) February 28, 2021
“Arktika-M” gidrometeorologik va iqlim monitoringi kosmik tizimidir. U Yer yuzasi va Shimoliy Muz okeani dengizlarini kecha-kunduz har qanday ob-havoda monitoring qiluvchi kamida ikkita sun’iy yo‘ldoshni o‘z ichiga oladi.
Dastlab “Arktika-M” 2020-yil 24-dekabrda uchirilishi kerak edi. Ammo oktabrda “Roskosmos” mutaxassislari bir qator qo‘shimcha tekshiruvlar o‘tkazish kerakligini aniqladi. Shu sababli tizimni orbitaga chiqarish 2021-yilga qoldirilgan edi.
Fevral boshida Rossiyada “Soyuz-2.1b” tashuvchi raketa koinotga uchirilgan, u harbiy sun’iy yo‘ldoshni orbitaga muvaffaqiyatli olib chiqqan edi.
