Osiyo futbol konfederatsiyasi (OFK) markazlash tizimda o‘tkaziladigan Osiyo Chempionlar Ligasining guruh bosqich o‘yinlariga mezbonlik qiladigan mamlakatlar ro‘yxatini e’lon qildi.
Unga ko‘ra, “Paxtakor” harakat qiladigan B guruhi o‘yinlari BAAning Sharja shahrida bo‘lib o‘tadi. OKMK guruh bosqichiga yo‘llanma oladigan bo‘lsa, A guruhi vakillari bilan Saudiya Arabistonining Ar-Riyod shahrida o‘ynaydi.
Quyidagi guruh bosqichiga mezbonlik qiladigan shaharlar bilan tanishing:
G‘arb mintaqasi:
- A guruhi — Ar-Riyod (Saudiya Arabiston)
- B guruhi — Sharja (BAA)
- C guruhi — Jidda (Saudiya Arabiston)
- D guruhi — Ar-Riyod (Saudiya Arabiston)
- E guruhi — Hindiston
Eslatib o‘tamiz, “Paxtakor” B guruhida “Sharja” (BAA) va “Traktorsozi”ga (Eron) qarshi o‘ynaydi. To‘rtinchi raqib nomi “Al-Vahda” (Saudiya Arabistoni) — “Al-Quva al-Javiya” (Iroq) pley-off o‘yinidan keyin ma’lum bo‘ladi.
Ma’lumot uchun, O‘zbekiston OChL mezbonligi uchun ariza topshirmagan. Biroq “Nasaf” va OKMK OFK Kubogi guruh bosqichini o‘zida o‘tkazish xohishini bildirgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)