Futbol bo‘yicha Yevropa Chempionlar Ligasining 1/8 final javob bahsidan o‘rin olgan ikki o‘yin 10-mart, chorshanba kuni bo‘lib o‘tdi.
PSJ o‘z uyida “Barselona”ni qabul qildi. Uchrashuvning 30-daqiqasida Kilian Mbappe penaltini aniq amalga oshirib, parijliklarni oldinga olib chiqdi. Oradan ko‘p o‘tmay katalonlar bunga Lionel Messining goli bilan javob qaytardi.
Birinchi bo‘lim so‘ngida “Barselona” hisobni oshirishi mumkin edi, biroq Messining penaltidan bergan zarbasini Keylor Navas bartaraf etishga muvaffaq bo‘ldi. Ikkinchi bo‘limda hisob o‘zgarmadi va parijliklar dastlabki o‘yindagi yirik g‘alaba (4:1) evaziga keyingi bosqichga yo‘l oldi.
“Liverpul” va “Leypsig” jamoalari o‘rtasidagi javob o‘yini yana ingliz klubining g‘alabasi bilan tugadi. Muhammad Saloh va Sadio Mane tomonidan kiritilgan to‘plar “qizillar”ni chorak final sari yetakladi.
Shu tariqa PSJ va “Liverpul” Chempionlar Ligasi chorak finalining navbatdagi ishtirokchilariga aylandi. Avvalroq “Borussiya D” va “Portu” yo‘llanmani qo‘lga kiritgandi.
Chempionlar Ligasi
1/8 final, javob bahslari
10-mart, chorshanba
PSJ Fransiya — “Barselona” Ispaniya 1:1
Gollar: 1:0 – 30, penalti Mbappe, 1:1 – 37 Messi.PSJ: Navas, Kimpembe, Kurzava (Diallo, 46), Markinyos, Florensi (Dagba, 76), Paredes, Verratti (Rafinya, 84), Guye (Danilu Pereyra, 60), Draksler (Di Mariya, 59), Ikardi, Mbappe.
“Barselona”: ter Shtegen, Dest (Trinkau, 66), Alba, Mingesa (Firpo, 35), Langle, de Yong, Buskets (Moriba, 79), Pedri (Pyanich, 78), Dembele (Breytueyt, 78), Grizmann, Messi.
Ogohlantirishlar: Kurzava (8), Mingesa (25), Langle (30), de Yong (38), Guye (50), Paredes (50), Ikardi (89).
Dastlabki o‘yin — 4:1
“Liverpul” Angliya — “Leypsig” Germaniya 2:0
Gollar: 1:0 – 70 Saloh, 2:0 – 74 Mane.“Liverpul”: Alisson, Aleksander-Arnold, Robertson (Simikas, 90), Kabak, Fillips, Saloh, Veynaldum (Milner, 82), Mane (Oksleyd-Chemberlen, 90), Tiago Alkantara (Keyta, 71), Diogu Jota (Origi, 71), Fabinyo.
“Leypsig”: Gulachi, Klostermann, Upamekano, Mukiyele, Nkunku, Olmo (Aydara, 72), Kampl (Serlot, 46), Adams, Zabitser, Forsberg (Klyuyvert, 60), Poulsen (Hvan Hi Chhan, 60).
Dastlabki o‘yin — 2:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)