Futbol bo‘yicha Ispaniya La Ligasi 18-turining qoldirilgan o‘yinida Madridning “Atletiko”si o‘z maydonida 10-mart, chorshanba kuni Bilbaoning “Atletik”ini qabul qildi.
O‘yinning 21-daqiqasida mehmonlar a’zosi Iker Muniain gol urib, jamoasini hisobda oldinga olib chiqdi. 45-daqiqada Markos Lyorente muvozanatni tiklagan golga muallif bo‘ldi. 51-daqiqada esa Luis Suares 11 metrlik jarima zarbasini golga aylantirib, o‘yindagi yakuniy hisobni o‘rnatdi.
Mazkur g‘alabadan so‘ng Diyego Simeone qo‘l ostidagi “Atletiko” ochkolari sonini 62 taga yetkazib, La Liga musobaqa jadvalidagi peshqadamligini mustahkamlab oldi. Madrid klubi 2-o‘rindagi “Barselona”ni olti, 3-o‘rindagi hamshahari “Real”ni esa sakkiz ochkoga ortda qoldirmoqda. “Atletik” bo‘lsa 33 ochkosi bilan 8-o‘rinni band etgan.
La Liga
18-tur bahsi
10-mart, chorshanba kuni
“Atletiko M” – “Atletik B” 2:1
Gollar: 0:1 – 21 Muniain, 1:1 – 45 Lyorente, 2:1 – 51, penalti Suares.
“Atletiko M” – Oblak, Felipe, Ermoso, Trippyer, Savich, Lemar (Saul, 67), LYorente (Kondogbia, 88), Karrasko (Lodi, 89), Koke, Joau Feliks (Korrea, 67), Suares (Torreyra, 72).
“Atletik B” – Unai Simon, Berchiche, Yeray Alvares, De Markos (Kapa, 80), Nunes, Raul Garsiya (Vilyalibre, 73), Vesga (Dani Garsiya, 59), Berenger, Unai Lopes (Vensedor, 73), Muniain (Morsilo, 80), Uilyams.
Ogohlantirishlar: De Markos (38), Vesga (41), Felipe (43), Lodi (90).
Izoh (0)