Boks bo‘yicha super og‘ir vazn toifasining sobiq chempioni Evander Holifild Mayk Taysonga qarshi jang o‘tkazish tashkiliy masalalaridagi muammolar haqida gapirdi.
Men tomon bu jangni o‘tkazishga intilmoqda, biroq biz bahonadan boshqa hech qanday javob olmadik. Tayson nima sababdan menga qarshi jang oldidan chigalyozdi bellashuv o‘tkazganini endi tushundim.Avvalroq faoliyatini qayta tiklagan Tayson Roy Jonsga qarshi jang qilgan va unda durang natija qayd etilgandi.Roy Jons — Mayk uchun lokal darajada yaxshi raqib edi, biroq uning menga qarshi jangi global voqeaga aylanadi. Barcha xohlayotgan yagona jang — bu Mayk ikkimiz o‘rtasidagi to‘qnashuv. Bu jangni o‘tkazmaslik uchun hech qanday sabab yo‘q.
Endi hech qanday bahona o‘tmaydi. Bu jang har birimizning merosimiz uchun ham kerak. Tayson, shartnomani imzola va ringga chiq! Butun dunyo kutmoqda va hammasi senga bog‘liq bo‘lib turibdi. Men tayyorman.
Evander Holifild, sobiq bokschi
Tayson va Holifild ikki bor 1996 va 1997-yillarda o‘zaro jang qilgan. Ilk jangda Holifild nokaut evaziga g‘alaba qozongan, ikkinchi to‘qnashuvda esa Mayk raqibining qulog‘ini tishlab olgan va diskvalifikatsiya qilingan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)