“Barselona” 10-mart kungi Chempionlar Ligasi 1/8 finali javob o‘yinida PSJ bilan durang qayd etdi (1:1) va musobaqa bilan xayrlashdi.
9-mart kuni “Yuventus” jamoasi “Portu” to‘sig‘idan o‘ta olmagandi (1:2, 3:2).
Shu tariqa katalonlar hujumchisi Lionel Messi va turinliklar forvardi Krishtianu Ronaldu chorak finalga yetib bormasdan musobaqani tark etdi.
Bunaqasi 2004/05-yilgi mavsumdan beri ilk bor kuzatildi. 16 yil avval “Barselona” 1/8 finalda “Chelsi”ga yutqazib (2:1, 2:4) turnirni tark etgan bo‘lsa, Ronalduning “Manchester Yunayted”i o‘sha bosqichda “Milan” (0:1, 0:1) to‘sig‘idan o‘tolmagandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)