Kia kompaniyasi bunga qadar CV kodli nomi bilan ma’lum bo‘lgan EV6 elektrokarining premyerasiga tayyorlanmoqda. U Kia’ning yangi E-GMP platformasida yaratilgan birinchi avtomobil va “texnologiya peshtaxtasi”ga aylanishi kerak, deb xabar beradi Motor.
Yangi yo‘ltanlamasning tashqi ko‘rinishi Imagine by Kia futuristik konsept-karining dizayniga o‘xshab ketadi va marka vektorining elektrlashtirish tomon siljishini tasvirlaydi. Krossover bunga qadar ham “fotojosus”lar obyektiga tushib qolgan, biroq “og‘ir” kamuflyajdagi prototip ko‘rinishida edi.
Yangi kadrlardan ko‘rish mumkinki, EV6 suyri kuzovga, qiya tom qism va ancha bukilgan orqa ustunlarga ega. Old qismida ingichka diod faralar mavjud, relyefli quyruq qismi bumerang shaklidagi burilish chiroqlariga ulangan va orqa eshikning butun stop-signali bo‘ylab tortilgan.
Avvalroq EV6’ning saloni tasvirlangan suratlar internetda tarqalgan edi, unda qurilmalar va multimedia tizimining ishlashiga javob beradigan ulkan planshet ekranlar joylashgan. Aftidan, displeylar bir-biriga yopishgan holda bo‘ladi, vizual jihatdan yagona blok ko‘rinishini kasb etadi.
Izoh (0)