“Formula-1”ning navbatdagi mavsumida xavfsizlik avtomobillarini yetkazib berish borasidagi Mercedes-Benz’ning 25 yillik monopoliyasiga nuqta qo‘yiladi — Gran-prining 23 tadan 12 tasida reyfti-kar roli Aston Martin Vantage’ga yuklanadi. Barcha poygalarda tibbiyot avtomobili vazifasini Aston Martin DBX krossoveri bajaradi — u Mercedes-AMG C 63 S Estate universalining o‘rinini egallaydi, deb xabar beradi Motor.
Aston Martin Vantage seyfti-karlaridan (xavfsizlik mashinalari) “Qirollik poygalari”da Mercedes-AMG GT-R bilan parallel foydalaniladi, biroq “Formula-1” rahbarlari hozircha Britaniya kupesidan qaysi bosqichda foydalanilishini ma’lum qilmagan. Yangi Aston Martin mashinalarining dvigatellari 12—14-mart kunlari Bahraynda o‘tkaziladigan testlar seriyasida chiniqtiriladi.
Aston Martin Vantage xavfsizlik avtomobillar ikki eshikli oddiy avtomobillardan farq qiladi: unga 534 ot kuchini taqdim etishga qodir 4,0 litrli V8 dvigateli o‘rnatilgan, aylanuvchi moment “polka”si kengaytirilgan, biroq eng yuqori nuqtasi o‘zgarmagan — 685 Nm. Shuningdek, sakkiz pog‘onali avtomat uzatmalar qutisi qayta sozlangan, rul boshqaruvi kalibrlangan, “podveska”si qattiqroq ishlangan.
Maxsus qurilmalar va yorug‘lik diodlarining mavjudligiga qaramay seyfti-kar soatiga 100 kilometr tezlikka 3,5 soniyada erishadi — oddiy Vantage versiyasidan 0,1 soniyaga tezroq.
Aston Martin DBX tibbiyot avtomobillar xavfsizlik karkasi, qo‘shimcha o‘t o‘chirgichlari, defibrillyator, kuyishdan himoyalash jamlanmasi va shifokorlar uchun mo‘ljallangan boshqa qurilmalari bilan oddiy krossoverlardan farq qiladi. DBX’ning texnik jihati standart: kapoti ostidan 550 ot kuchiga ega (700 Nm) Mercedes-AMG’ning V8 motori o‘rin olgan, transmissiya — 9 pog‘onali “avtomat”.
Aston Martin’ning poyga avtomobili ham, tibbiyot avtomobili ham Britaniya firmasining yashil rangiga bo‘yaladi.
Izoh (0)