Kia компанияси бунга қадар CV кодли номи билан маълум бўлган EV6 электрокарининг премьерасига тайёрланмоқда. У Kia’нинг янги E-GMP платформасида яратилган биринчи автомобиль ва «технология пештахтаси»га айланиши керак, деб хабар беради Motor.
Янги йўлтанламаснинг ташқи кўриниши Imagine by Kia футуристик концепт-карининг дизайнига ўхшаб кетади ва марка векторининг электрлаштириш томон силжишини тасвирлайди. Кроссовер бунга қадар ҳам «фотожосус»лар объектига тушиб қолган, бироқ «оғир» камуфляждаги прототип кўринишида эди.
Янги кадрлардан кўриш мумкинки, EV6 суйри кузовга, қия том қисм ва анча букилган орқа устунларга эга. Олд қисмида ингичка диод фаралар мавжуд, рельефли қуйруқ қисми бумеранг шаклидаги бурилиш чироқларига уланган ва орқа эшикнинг бутун стоп-сигнали бўйлаб тортилган.
Аввалроқ EV6’нинг салони тасвирланган суратлар интернетда тарқалган эди, унда қурилмалар ва мультимедиа тизимининг ишлашига жавоб берадиган улкан планшет экранлар жойлашган. Афтидан, дисплейлар бир-бирига ёпишган ҳолда бўлади, визуал жиҳатдан ягона блок кўринишини касб этади.
Мавзуга доир: Kia компанияси ўзининг логотипи ва шиорини ўзгартирди
Изоҳ (0)