Qamchiq dovonida kuchli shamol bilan qor yog‘ishda davom etayotgani va ko‘chki xavfi yuzaga kelishi mumkinligi sabab 5-mart kuni soat 00:01 dan boshlab dovon yo‘li bo‘ylab transport vositalarining harakati vaqtincha to‘xtatilgan edi. Favqulodda vaziyatlar vazirligi matbuot xizmatining ma’lum qilishicha, dovon yo‘li hozirda avtomobillar harakati uchun qayta ochilgan.
“Faqulodda vaziyatlar vazirligi boshchiligida tegishli tashkilotlarning xodimlari tomonidan olib borilgan zururiy profilaktik tadbirlar natijasida soat 09:30 da Qamchiq dovoni avtomobil harakati uchun qayta ochildi”, — deyiladi xabarda.
Avvalroq “O‘zgidromet” 4—5-martda O‘zbekiston hududiga yana nam havo massalari kirib kelishi boshlanishi, buning natijasida barcha joylarda yomg‘ir yog‘ishi, shimolda yog‘ingarchilik qor aralash bo‘lishini ma’lum qilgandi.
Izoh (0)