Қамчиқ довонида кучли шамол билан қор ёғишда давом этаётгани ва кўчки хавфи юзага келиши мумкинлиги сабаб 5 март куни соат 00:01 дан бошлаб довон йўли бўйлаб транспорт воситаларининг ҳаракати вақтинча тўхтатилган эди. Фавқулодда вазиятлар вазирлиги матбуот хизматининг маълум қилишича, довон йўли ҳозирда автомобиллар ҳаракати учун қайта очилган.
«Фақулодда вазиятлар вазирлиги бошчилигида тегишли ташкилотларнинг ходимлари томонидан олиб борилган зурурий профилактик тадбирлар натижасида соат 09:30 да Қамчиқ довони автомобиль ҳаракати учун қайта очилди», — дейилади хабарда.
Аввалроқ «Ўзгидромет» 4—5 мартда Ўзбекистон ҳудудига яна нам ҳаво массалари кириб келиши бошланиши, бунинг натижасида барча жойларда ёмғир ёғиши, шимолда ёғингарчилик қор аралаш бўлишини маълум қилганди.
Изоҳ (0)