“Rospotrebnadzor” O‘zbekiston hududida aylanuvchi koronavirus shtammining o‘zgarishini o‘rganish bilan shug‘ullanadi. Bu haqda “Rospotrebnadzor” rahbari Anna Popovaning O‘zbekiston sog‘liqni saqlash vaziri Abduhakim Xojiboyev bilani bo‘lib o‘tgan uchrashuvi davomida ma’lum bo‘lgan.
Muzokaralar davomida asosdan yuqumli kasalliklar, jumladan, yangi koronavirus infeksiyasiga qarshi kurash sohasidagi hamkorlik masalalari ko‘tarilgan. Rossiya va O‘zbekiston umumiy yuqumli tahdidlarga duch kelmoqda, shuning uchun ham aholining sanitariya-epidemiologik osoyishtaligini ta’minlash bo‘yicha umumiy yondashuvlarni shakllantirish mamlakatlar o‘rtasidagi o‘zaro munosabatlarda alohida o‘rin tutadi.
Ta’kidlanishicha, O‘zbekiston tomoni mamlakat uchun eng qiyin bo‘lgan koronavirus pandemiyasi davrida yordam ko‘rsatgani uchun “Rospotrebnadzor”ga minnatdorchilik bildirgan. Eslatib o‘tamiz, “Rospotrebnadzor” O‘zbekistonga yangi koronavirusni aniqlash uchun 140 ming test tizimlarini, ekspress-diagnostika bo‘yicha mobil laboratoriya va mobil klinikani bepul taqdim etgan edi.
Uchrashuv yakunida O‘zbekiston hududida tarqalgan yangi turdagi koronavirus shtammining o‘zgarishini hamkorlikda o‘rganish, shuningdek, mamlakat aholisining koronavirusga qarshi immunitetini tadqiq etish bo‘yicha kelishuvlarga erishilgan.
Hamkorlikni rivojlantirishning eng muhim yo‘nalishlaridan biri sifatida tomonlar O‘zbekiston Sanitariya-epidemiologik osoyishtalik va aholi sog‘lig‘ini saqlash xizmatlarining salohiyatini oshirish ekanligi ta’kidlab o‘tgan.
Avvalroq “Rospotrebnadzor” olimlari koronavirusning “britancha” shtammini aniqlaydigan dunyodagi birinchi test tizimini ishlab chiqib, ro‘yxatdan o‘tkazgani to‘g‘risida xabar berilgandi.
Izoh (0)