«Роспотребнадзор» Ўзбекистон ҳудудида айланувчи коронавирус штаммининг ўзгаришини ўрганиш билан шуғулланади. Бу ҳақда «Роспотребнадзор» раҳбари Анна Попованинг Ўзбекистон соғлиқни сақлаш вазири Абдуҳаким Хожибоев билани бўлиб ўтган учрашуви давомида маълум бўлган.
Музокаралар давомида асосдан юқумли касалликлар, жумладан, янги коронавирус инфекциясига қарши кураш соҳасидаги ҳамкорлик масалалари кўтарилган. Россия ва Ўзбекистон умумий юқумли таҳдидларга дуч келмоқда, шунинг учун ҳам аҳолининг санитария-эпидемиологик осойишталигини таъминлаш бўйича умумий ёндашувларни шакллантириш мамлакатлар ўртасидаги ўзаро муносабатларда алоҳида ўрин тутади.
Таъкидланишича, Ўзбекистон томони мамлакат учун энг қийин бўлган коронавирус пандемияси даврида ёрдам кўрсатгани учун «Роспотребнадзор»га миннатдорчилик билдирган. Эслатиб ўтамиз, «Роспотребнадзор» Ўзбекистонга янги коронавирусни аниқлаш учун 140 минг тест тизимларини, экспресс-диагностика бўйича мобил лаборатория ва мобил клиникани бепул тақдим этган эди.
Учрашув якунида Ўзбекистон ҳудудида тарқалган янги турдаги коронавирус штаммининг ўзгаришини ҳамкорликда ўрганиш, шунингдек, мамлакат аҳолисининг коронавирусга қарши иммунитетини тадқиқ этиш бўйича келишувларга эришилган.
Ҳамкорликни ривожлантиришнинг энг муҳим йўналишларидан бири сифатида томонлар Ўзбекистон Санитария-эпидемиологик осойишталик ва аҳоли соғлиғини сақлаш хизматларининг салоҳиятини ошириш эканлиги таъкидлаб ўтган.
Аввалроқ «Роспотребнадзор» олимлари коронавируснинг «британча» штаммини аниқлайдиган дунёдаги биринчи тест тизимини ишлаб чиқиб, рўйхатдан ўтказгани тўғрисида хабар берилганди.
Изоҳ (0)