“Barselona” Ispaniya Kubogi yarim final javob o‘yinida “Sevilya”ni yirik hisobda mag‘lub etdi (3:0) va finalga chiqdi.
Katalon klubi o‘z tarixida 42-marta Ispaniya Kubogi finali yo‘llanmasiga ega bo‘ldi. Bu mamlakat rekordi hisoblanadi.
Shuningdek, “Barselona” so‘nggi 13 yilda 10-marta finalda o‘ynaydigan bo‘ldi.
Mazkur vaqt oralig‘ida katalonlar faqat uch bor finalga chiqa olmagandi. 2010-yil 1/8 finalda “Sevilya”ga mag‘lub bo‘lib (1:2, 1:0), 2013-yil yarim finalda “Real”ga yengilib (1:1, 1:3), 2020-yil chorak finalda “Atletik B”ga yengilib (0:1) musobaqani tark etgan.
“Ko‘k-anorranglilar” finalda “Levante”—“Atletik B” uchrashuvi g‘olibi bilan o‘ynaydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)