Futbol bo‘yicha Angliya Premyer Ligasi 29-turining muddati oldinga surilgan yana uchta bellashuvi 3-mart, chorshanba kuni o‘tkazildi.
Musobaqa jadvalida ikkinchi o‘rinda borayotgan “Manchester Yunayted” safarda “Kristal Pelas” mehmoni bo‘lib, 0:0 hisobida durang qayd etdi.
“Qizil iblislar”ni musobaqa jadvalida ta’qib qilib kelayotgan Brendan Rojers qo‘l ostidagi “Lester” ushbu turda “Byornli” mehmoni bo‘ldi. Uchrashuvda mezbonlar 4-daqiqadayoq Matey Vidraning goli evaziga hisobni ochdi. 34-daqiqada esa Kelechi Iheanacho muvozanatani tikladi. Mazkur hisob o‘yin so‘ngiga qadar o‘zgarmayd qoldi. Shu tariqa tomonlar 1:1 hisobidagi durangga imzo chekdi.
Turning yana bir o‘yini “Sheffild Yunayted” hamda “Aston Villa” jamoalari o‘rtasida kechdi. Devid Makgoldrikning 30-daqiqada urgan goli “Sheffild”ga o‘z maydonidagi muhim g‘alabani taqdim qildi.
Musobaqa jadvali ayni damda shunday ko‘rinish olgan:
APL
29-tur bahslari
3-mart, chorshanba
“Kristal Pelas” – “Manchester Yunayted” 0:0
“Kristal Pelas” – Guaita, Keyhill, van Anxolt, Uord, Taunsend, Kuyate, Eze (Shlupp, 84), Makkarti (Ridevald, 62), Milivoyevich, Benteke, Ayyu.
“Manchester Yunayted” – Henderson, Shou, Bayi, Uan-Bissaka, Maguayr, Fred (Maktomini, 74), Brunu Fernandesh, Matich, Kavani (Jeyms, 76), Reshford, Grinvud.
Ogohlantirish: Ridevald (90).
“Sheffild Yunayted” – “Aston Villa” 1:0
Gol: 1:0 – 30 Makgoldrik.
Ogohlantirish: Makgoldrik (45).
Chetlatish: Jagelka (57).
“Byornli” – “Lester” 1:1
Gollar: 1:0 – 4 Vidra, 1:1 – 34 Iheanacho.
Ogohlantirishlar: Fofana (79), Rikardu Pereyra (90).
Izoh (0)