8-mart uchun ajoyib sovg‘a: bayramona tort retsepti

Bayramona tortni, albatta, tayyorlab ko‘ring. Sovg‘a uchun eng ajoyib tanlov bo‘lishi shubhasiz.

Kerakli mahsulotlar:

• sariyog‘ — 200 gramm;
• tuxum — 2 ta;
• shakar — 150 gramm;
• qatiq — 50 gramm;
• un — 430 gramm;
• tuz — bir chimdim;
• razrixlitel — 1 choy qoshiq.

• smetana — 600 gramm;
• smetana uchun quyuqlashtiruvchi — 16 gramm;
• shakar — 2—3 osh qoshiq;
• qaymoq 33 foizli — 200 ml;
• shakar upasi — 1-2 osh qoshiq.
• bezak uchun meva va shirinliklar.

1. Tuxum, tuz va shakar mikserdan o‘tkaziladi. Ustidan smetana va sariyog‘ qo‘shib, bir xil massa bo‘lgunga qadar aralashtiriladi.
2. Un elakdan o‘tkazilib, razrixlitel bilan aralashtiriladi.
3. Tuxumli aralashmaga oz-ozdan un solinib, sekin aralashtiriladi. Xamir uchta teng qismga ajratilib, 2 soatga muzlatkichga qo‘yiladi.
4. Oddiy A4 varag‘idan 8 shakli kesib olinadi.
5. Muzlatkichdagi xamir olinib, yupqa yoyiladi va yana 10 daqiqaga qoldiriladi.
6. So‘ngra xamirning barchasidan 8 raqami kesib olinadi.
7. Raqamli xamirlar 5—7 daqiqa davomida 180 darajada pishirib olinadi.
8. Xamirlarning barchasi sovitishga qo‘yiladi.
9. Mikser yordamida smetana va quyultirgich aralashtiriladi. Ustidan shakar qo‘shilib, mikser qilishda davom etiladi.
10. Qaymoq ham biroz muzlatkichda sovutilib, so‘ngra quyuqlashguncha mikser qilinadi. Ustiga oz-ozdan shakar upasi solinib, aralashtiriladi.
11. Qaymoqqa smetanali aralashma qismlab solinib, 10 soniyadan mikser qilinadi.
12. 8 raqamli xamirlar orasiga qandolat qopchasi yordamida krem surtilib, qavatlar hosil qilinadi.  Muzlatkichga 10—12 soatga qo‘yiladi.
13. So‘ngra tort yuzasi meva va shirinliklar bilan bezatiladi.