Mamlakatda muomalaga chiqarilayotgan bank plastik kartalari ulushi keskin o‘smoqda.Bu haqda Markaziy bank maʼlum qildi.
O‘zbekistonda 2025-yil 1-aprel holatiga ko‘ra, jami 62 mln 351 ming donadan ortiq bank plastik kartalari muomalaga chiqarilgan.
Mazkur sanadan bir yil avvalgi ko‘rsatkich 48 mln 373 mingdan ortiqroq bo‘lgan. Yaʼni yillik o‘sish qariyb 14 mln donaga yetgan.
Markaziy bank keltirgan raqamlarda mamlakatda o‘rnatilgan to‘lov terminallari soni kamayganini ko‘rish mumkin. Jumladan, 2024-yil 1-aprelda respublikadagi terminallar soni 430 ming 66 ta bo‘lgan. 2025-yil apreliga kelib esa mazkur raqam 424 ming 143 tani tashkil etgan.
Shu bilan birga, o‘rnatilgan bankomat va infokiosklar soni o‘sib borayotganini ko‘rish mumkin. O‘tgan yil aprelida 26 ming 986 ta, joriy yil mos davrida 33 ming 650 ta.
Izoh (0)