Bayramona taom — jigarli rulet retsepti

Jigarli ruletni qo‘ziqorin, pishloq yoki sabzavot bilan pishirish mumkin. Bunday rulet tayyorlashning bir necha usuli bor. Shulardan birini e’tiboringizga havola etamiz.

Kerakli mahsulotlar:

• jigar — 400 gramm;
• qo‘ziqorin — 400 gramm;
• un — 3 osh qoshiq;
• tuxum — 2 dona;
• sabzi — 1 dona;
• piyoz — 1 ta;
• smetana — 1 osh qoshiq;
• mayonez — 1 osh qoshiq;
• sarimsoq — 1 bo‘lak;
• o‘simlik yog‘ш;
• tuz va ziravorlar.

1. Qo‘ziqorinlarni somoncha shaklida to‘g‘rab, o‘simlik yog‘ida qovurib oling va ta’bga ko‘ra tuz va ziravorlar soling.
2. Alohida idishda qirg‘ichdan chiqarilgan sabzi va to‘rtburchak qilib to‘g‘ralgan piyozni qovuring. Sabzavotga qo‘ziqorinni aralashtiring.
3. Smetana, mayonez va maydalangan sarimsoqni aralashtirib, sous tayyorlab oling.
4. Jigarni go‘sht maydalagichdan o‘tkazib, tuxum, un, tuz va ziravorlar qo‘shib, yaxshilab aralashtiring.
5. O‘simlik yog‘i solingan tovaga jigarli aralashmani solib, 5—7 millimetr qalinlikdagi quymoq shaklida pishirib oling.
6. Pishgan jigarli quymoqqa sous quyib, 2 osh qoshiq nachinka soling va rulet qilib o‘rang.
7. Qolgan jigarni ham xuddi shu tartibda pishiring.
8. Ruletni dasturxonga tortishdan avval bo‘laklarga bo‘lib oling va dimlangan sabzavotlardan garnir sifatida foydalaning.