Sizga oddiy va mazali bo‘lgan kartoshkali taomlarning 5 ta retseptini taqdim etamiz. Retseptlar bilan tanishing va o‘zingizga yoqqanini tayyorlab ko‘ring.
Lavr yaprog‘i bilan dimlangan kartoshka retsepti
Kerakli mahsulotlar:
- kartoshka — 2-3 dona;
- piyoz — 1 dona;
- sarimsoq — 2 bo‘lak;
- sariyog‘ — 30 gramm;
- lavr yaprog‘i — 3 dona;
- zaytun yog‘i;
- tuz, ziravorlar.
- kartoshkalarni archib, bo‘laklarga bo‘ling;
- tovada zaytun yog‘ini qizdirib, kartoshka va lavr yaprog‘ini soling; 10 daqiqa davomida qovuring;
- so‘ngra sariyog‘ solib, mayda to‘g‘ralgan piyoz va saromsoqni ham qo‘shing;
- tuz, ziravorlar solib, yana 5 daqiqaga dimlang.
Kerakli mahsulotlar:
- po‘sti archilmay pishirilgan kartoshka — 700 gramm;
- sabzavotli bulyon — 500 ml;
- maydalangan murch — yarim osh qoshiq.
- pechni 200 darajagacha qiziting. Pech patnisini yaxshilab yog‘lang;
- kartoshkalarni yupqa qilib kesib oling;
- patnisga qavat-qavat qilib tering, tuz, murch seping;
- kartoshkalarga bulyonni quyib, ustini qandolat qog‘ozi bilan yoping;
- 1 soat davomida pishirib, so‘ngra ustidagi qog‘ozni olib tashlang va yana 15 daqiqaga kartoshkalar usti qizarguncha pechda qoldiring.
Kerakli mahsulotlar:
- kartoshka — 450 gramm;
- sariyog‘ — 2 osh qoshiq;
- suv — 350 gramm;
- tuz, qalampir.
- kartoshkalarni archib, ikki qavatli folga ustiga soling, tuz, qalampir seping;
- kartoshkalarni o‘rtaga yig‘gan holda, folgani o‘rang. Keyin folga chetidan suv quying;
- qizigan pechga 20-25 daqiqaga qo‘ying. Pishgan kartoshkalar ustiga sariyog‘ soling;
- dasturxonga tortishdan avval ustiga qirg‘ichdan chiqarilgan pishloq sepish mumkin.
Kerakli mahsulotlar:
- mayda kartoshka — 1,2 kg;
- zaytun yog‘i — 1 osh qoshiq;
- quritilgan rayhon — 1 osh qoshiq;
- maydalangan qalampir — 1 chimdim;
- pomidor qoqi — 25 gramm;
- petrushka — 1 bog‘lam;
- tuz, ziravorlar.
- pechni 200 darajaga qizdiring. Kartoshkalarni ikkiga bo‘lib oling;
- kartoshkalarni qizigan keramik qolipga bir qavat qilib tering; Ustiga zaytun yog‘i, rayhon, tuz, qalampir solib, folga bilan yoping;
- pechda 30 daqiqa pishiring, so‘ngra ustidan folgani oling; Issiqlikni 180 darajaga tushirgan holda yana 30 daqiqa pishiring;
- pishgan kartoshkalar ustiga maydalangan pomidor qoqi va petrushka seping.
Kerakli mahsulotlar:
- kartoshka — 5 dona;
- piyoz — 1 dona;
- o‘simlik yog‘i — 35-45 gramm;
- ko‘k piyoz — 1 bog‘lam;
- maydalanmagan murch — 10-12 donacha
- sariyog‘;
- tuz, ziravorlar.
- kartoshka va piyozni arching. Kartoshkalarni kub shaklida to‘g‘rab oling;
- baland olovdagi tovaga o‘simlik yog‘i quying. Yog‘ qizigach, kartoshkalarni soling. Qizarguncha aralashtirmang;
- piyozni ham kub shaklida to‘g‘rang. Kartoshkalar yarim tayyor bo‘lganda piyozni solib, tuz seping;
- alohida idishga 10-12 donacha murchni solib, pichoq uchi bilan o‘rtacha kattalikda maydalang;
- so‘ngra murchni kartoshkaga qo‘shib, tuz ham soling;
- tayyor kartoshkaga sariyog‘ solib, mayda to‘g‘ralgan ko‘k piyoz bilan bezatamiz.
Izoh (0)