Futbol bo‘yicha Ispaniya La Ligasining 25-turida “Atletiko M” 28-fevral, yakshanba kuni “Vilyarreal” maydoniga safar qildi.
Bellashuvni madridliklar ishonchli tarzda o‘z foydasiga hal qildi. “Atletiko”ning birinchi goli 25-daqiqada raqib jamoa a’zosi tomonidan kiritildi. Avtogol muallifi — Alfonso Pedrasa. 69-daqiqada Joau Feliks hisobni oshirdi. Shu bilan uchrashuvda boshqa gol kiritilmadi.
Mazkur o‘yindan so‘ng Diyego Simeone boshchiligidagi Madrid jamoasi 58 ochko bilan yaqqol peshqadam bo‘lib turibdi. Jamoa eng yaqin ta’qibchisi — “Barselona”dan 5 ochko oldinda bormoqda. Jamoa zaxirasida yana bitta o‘yin mavjud. Unai Emeri shogirdlari esa 37 ochko bilan 7-o‘rinda bormoqda.
La Liga
25-tur bahsi
28-fevral, yakshanba
“Vilyarreal”—“Atletiko M” 0:2
Gollar: 0:1 – 25, avtogol Pedrasa, 0:2 – 69 Joau Feliks.
“Vilyarreal”: Asenxo, Foyt, Pau Torres, Albiol, Pedrasa (Estupinyan, 60), Parexo, Kapu (Kosta, 71), Chukvueze, Trigeros (Aleks Baena, 71), Moyses Gomes (Bakka, 60), Xerar Moreno.
“Atletiko”: Oblak, Felipe, Ermoso, Savich, Vrsalko, Lemar (Joau Feliks, 46), Lyorente, Koke, Saul, Korrea (Torreyra, 83), Suares (Kondogbia, 76).
Ogohlantirishlar: Kosta (30), Felipe (35), Lemar (45), Saul (47), Albiol (51).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)