Futbol bo‘yicha Ispaniya La Ligasining 25-turida “Sevilya” va “Barselona” jamoalari 27-fevral, shanba kuni o‘zaro bahs yuritdi.
Uchrashuvning 29-daqiqasida Lionel Messining uzatmasidan keyin Usmon Dembele hisobni ochdi. Tanaffusga qadar katalonlarda yana bir qancha imkoniyatlar bo‘ldi, biroq birinchi bo‘limda hisob boshqa o‘zgarmadi.
Ikkinchi bo‘lim ham “Barselona” ustunligida o‘tdi. 85-daqiqada Messi o‘z hisobiga gol yozdirib qo‘ydi va yakuniy hisobni o‘rnatdi — 0:2.
Mazkur g‘alabadan keyin “Barselona” ochkolarini 53 taga yetkazib olgan holda 2-o‘ringa ko‘tarildi va ikkita zaxira o‘yiniga ega peshqadam “Atletiko”dan 2 ochko ortda qolmoqda. “Sevilya” 48 ochko bilan to‘rtinchi o‘rinda qoldi.
La Liga
25-tur bahsi
27-fevral, shanba
“Sevilya” — “Barselona” 0:2
Gollar: 0:1 – 29 Dembele, 0:2 – 85 Messi.“Sevilya”: Bunu, Navas, Kunde, Diyego Karlos (Rekik, 46), Eskudero, Jordan, Rakitich (Oskar Rodriges, 63), Fernando, Gomes (Suso, 46), Munir (an-Nesiri, 46), de Yong (Oliver Torres, 63).
“Barselona”: ter Shtegen, Langle, Mingesa, Alba, Dest, Dembele (Breytueyt, 82), de Yong, Pedri (Moriba, 71), Buskets, Pike (Arauxo, 67; Umtiti, 82), Messi.
Ogohlantirishlar: Fernando (31), Diyego Karlos (38), Messi (42), Eskudero (45), Rekik (46), Dembele (82), Jordan (88).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)