Stranja—2021. Bahodir Jalolov va yana ikki o‘zbekistonlik bokschi finalda g‘alaba qozonib, oltin medalga sazovor bo‘ldi

Bolgariyaning Sofiya shahrida 22—27-fevral kunlari boks bo‘yicha Stranja—2021 xalqaro musobaqasi bo‘lib o‘tdi.

27-fevral kuni turnirning final uchrashuvlar o‘tkazildi. Unda uch nafar o‘zbekistonlik bokschi qatnashdi.

Bobousmon Boturov (-69 kg) hal qiluvchi jangda ukrainalik Yevgeniy Barabanovga qarshi to‘qnash keldi va katta ustunlik bilan g‘alaba qozondi. Dilshodbek Ro‘zmetov (-81 kg) rossiyalik Ruslan Koleshnikov bilan jang qilib, raqibini mag‘lubiyatga uchratdi.

Super og‘ir vazn (+91 kg) toifasida harakat qiluvchi Bahodir Jalolov esa Ukraina vakili Tsone Rogavaga qarshi ringga ko‘tarildi. Jalolovning ustunligidan o‘tgan jangdan keyin besh hakamning to‘rt nafari Bahodirning g‘alabasini qayd etdi.

Shu tariqa O‘zbekiston terma jamoasi Bolgariyadagi musobaqani uchta oltin va uchta bronza medali bilan yakunladi.