“Ufa” bosh murabbiyi Rashid Rahimov RPL 20-turi doirasida “Ximki”ga qarshi kechgan o‘yinda (1:2) nima sababdan Oston O‘runovni zaxiradan maydonga tushirganini izohladi.
“Oston individual jihatdan kuchli futbolchi. Hozircha O‘runov biz nima qilayotganimizni u qadar yaxshi bilmaydi. Mazkur o‘yindagi ko‘plab vaziyatlarda u jamoaga emas, o‘ziga kerakli ishlarni qildi. Va bu mutlaqo normal holat.
U bilan gaplashib olish zarur. Agar u 90 daqiqa davomida o‘z vazifasini qoyilmaqom bajarsa, albatta, maydonda paydo bo‘ladi”, — deydi Rahimov.
Eslatib o‘tamiz, 20 yoshli o‘zbekistonlik futbolchi “Spartak”dan ijara asosida “Ufa” safiga qaytdi. Ufaliklarni Ostonni sotib olish huquqi bor.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)