Futbol bo‘yicha Rossiya Premyer Ligasining 20-turida “Ufa” 27-fevral, shanba kuni “Ximki” maydoniga safar qildi.
Bellashuv maydon egalarining 2:1 hisobidagi g‘alabasi bilan yakunlandi. 49-daqiqada Muhammad Konate “Ximki”ni hisobda oldinga olib chiqqan bo‘lsa, 62-daqiqaga kelib, Denis Glushakov oradagi farqni 2 taga oshirdi. Mehmonlarning yagona goliga esa 90+4-daqiqada Vladislav Kamilov mualliflik qildi.
O‘zbekistonlik yarim himoyachi Oston O‘runov mazkur bahsda 46-daqiqadan boshlab harakat qildi.
Mazkur g‘alabadan keyin “Ximki” ochkolari sonini 28 taga yetkazib, 9-pog‘onaga ko‘tarildi. “Ufa” esa 13 ochko jamg‘argan holda 15-o‘rinda bormoqda.
RPL
20-tur bahsi27-fevral, shanba
“Ximki” — “Ufa” 2:1
Gollar: 1:0 – 49 Konate, 2:0 – 62 Glushakov, 2:1 – 90+4 Kamilov.“Ximki”: Lantratov, Tixiy, Filin, Danilkin, Idovu, Troshechkin (Kamishev, 83), Bojenov, Kuxarchuk, Glushakov, Mirzov (Mogileves, 90), Konate.
“Ufa”: Belenov, Nikitin, Morozov, Pliyev, Mrzlyak, Kamilov, Golubev (O‘runov, 46), Yokich, Tabidze (Sisuyev, 85), Andrich, Jamaletdinov.
Ogohlantirishlar: Kamilov (7), Kuxarchuk (21), Bojenov (34), Troshechkin (40), Konate (60).
Chetlatish: Kuxarchuk (74).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)