Futbol bo‘yicha Angliya Premyer Ligasining 26-turida “Manchester Siti” 27-fevral, shanba kuni “Vest Hem”ni qabul qildi.
Uchrashuvning 30-daqiqasida “shaharliklar” himoyachisi Ruben Diash hisobni ochgan bo‘lsa, bunga londonliklar 43-daqiqada Mikail Antonioning goli bilan javob qaytardi.
68-daqiqada yana bir markaziy himoyachi Jon Stounz “Manchester Siti”ning ikkinchi golini urdi. Qolgan vaqtda hisob o‘zgarmadi va Pep Gvardiola jamoasi g‘alabali seriyasini davom ettirdi.
“Manchester Siti” ochkolarini 62 taga yetkazib olgan holda peshqadamlikni mustahkamladi. Jamoa eng yaqin ta’qibchisi “Manchester Yunayted”ni 13 ochko ortda qoldirmoqda. “Vest Hem” (45) hozircha 4-pog‘onada bormoqda.
APL
26-tur bahsi
27-fevral, shanba
“Manchester Siti” — “Vest Hem” 2:1
Gollar: 1:0 – 30 Ruben Diash, 1:1 – 43 Antonio, 2:1 – 68 Stounz.“Manchester Siti”: Ederson, Uoker, Ruben Diash, Stounz, Zinchenko, Gundo‘g‘an (Rodri, 89), Fernandinyo, Mahrez, de Bryuyne, Ferran Torres (Foden, 65), Aguero (Gabriel Jezus, 61).
“Vest Hem”: Rendolf, Jonson (Bouen, 84), Diop, Douson, Soufal, Fornals, Rays, Lingard, Souchek, Kressuell, Antonio (Benrahma, 84).
Ogohlantirishlar: Jonson (28), Fernandinyo (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)