Futbol bo‘yicha Germaniya Bundesligasining 23-turida “Bavariya” 27-fevral, shanba kuni “Kyoln”ni mehmon qildi.
Myunxenda kechgan bahs gollarga boy bo‘ldi. “Bavariya” umumiy hisobda 5 bor raqib darvozasini ishg‘ol qildi. Robert Levandovski va Serj Gnabri dublga erishgan bo‘lsa, Erik Shupo-Moting o‘z hisobiga bitta gol yozdirib qo‘ydi. “Kyoln” bu gollarga Elye Sxirining yagona goli bilan javob qaytardi.
Mazkur g‘alabadan keyin “Bavariya” ochkolari sonini 52 taga yetkazib, peshqadamlikni mustahkamlagan bo‘lsa, “Kyoln” (21) 14-o‘rinda bormoqda.
Yana bir uchrashuv “Borussiya D” va “Arminiya” o‘rtasida kechdi. Ushbu bahs ham maydon egalarining to‘liq ustunligida o‘tdi. Dortmund klubi Mahmud Doud, Jeydon Sancho va Reynyerning gollariga evaziga uch ochkoni qo‘lga kiritdi.
G‘alabadan so‘ng ochkolarini 39 taga yetkazgan “Borussiya” musobaqa jadvalida 5-o‘rinda bormoqda, “Arminiya” esa 18 ochko bilan 16-pog‘onadan joy olgan.
Bundesliga
23-tur bahslari27-fevral, shanba
“Bavariya” — “Kyoln” 5:1
Gollar: 1:0 – 18 Shupo-Moting, 2:0 – 33 Levandovski, 2:1 – 49 Sxiri, 3:1 – 65 Levandovski, 4:1 – 82 Gnabri, 5:1 – 86 Gnabri.“Bavariya”: Noyer, Zyule, Boateng, Alaba, Devis (Lyuka Ernandes, 72), Goretska, Kimmix (Xavi Martines, 87), Musiala (Myuller, 64), Shupo-Moting (Gnabri, 64), Levandovski, Sane (Dantash, 87).
“Kyoln”: Horn, Chixos (Horn, 46), Xorxe Mere, Chestich, Yakobs (Katterbah, 85), Volf, Sxiri, O‘zjan, Redjbechay (Dreksler, 71), Duda (Mayer, 71), Dennis (Tilmann, 46).
Ogohlantirishlar: Alaba (22), Sane (45), Chixos (45).
“Borussiya D” — “Arminiya” 3:0
Gollar: 1:0 – 48 Daud, 2:0 – 58, penalti Sancho, 3:0 – 81 Reynyer.“Borussiya D”: Hits, Morey (Menye, 80), Hummels (Zagadu, 85), Jan, Gerreyru, Reyna (Azar, 70), Sancho, Daud (Brandt, 85), Bellingem, Roys (Reynyer, 80), Holand.
“Arminiya”: Ortega, Bryunner, Nilsson, Piper, Barrett-Laursen, Doan (Okugava, 75), Pritl, Kunse (Zoyfert, 75), Klos (Vlap, 62), Kordova (Shipplok, 62), Foglzammer (Gebauer, 62).
Ogohlantirishlar: Piper (57), Kunse (71), Pritl (83).
Izoh (0)