First Development Group developerlik kompaniyasi “Toshkent” RFBda obligatsiyalar joylashtirishni yakunladi. Vosita daromadliligi yillik 8 foizni tashkil qildi. Sotuvlar yanvardan fevralgacha davom etdi. Freedom Finance MChJ XK anderrayter sifatida ishtirok etdi.
Yevgeniy Mojeyko, Freedom Finance MChJ XK ijrochi direktori:
“Savdolar quyidagi ko‘rsatkichlar bilan yakunlandi: jismoniy shaxslar tomonidan ochilgan hisoblar — 156 ta, yuridik shaxslarniki – 9 ta. Bunday qisqa vaqt ichida yangi investorlar qariyb 5 milliard so‘mlik obligatsiyalar egasi bo‘la oldi, qolgan hajm amaldagi mijozlar tomonidan sotib olindi.
Shuningdek, obligatsiyalar obuna kampaniyasi doirasida Freedom Finance tomonidan Toshkentda va butun O‘zbekiston bo‘yicha filiallarimizda o‘quv tadbirlari tashkil etildi. Ularda qariyb 400 nafar yangi investor qatnashdi.
12 kunlik savdoda e’lon qilingan hajmning 100 foiziga obuna yopildi. Bu savdo bozorimiz uchun ramziy ma’noga ega: FDG obligatsiyalari O‘zbekiston fond bozori tarixidagi valyuta kursi o‘zgarishlariga indeksatsiyalangan birinchi obligatsiyalar, shuningdek, bu “Toshkent” respublika fond birjasi listingidagi mas’uliyati cheklangan jamiyatlarning keyingi 15 yildagi ilk obligatsiyalaridir. Bundan tashqari, bu keyingi bir necha yillardagi eng qisqa muddatli obligatsiya joylashuvi bo‘ldi.
Shuning barobarida, obligatsiyalarning nominal qiymati va kuponlar bo‘yicha to‘lovlar AQSh dollari kursiga bog‘langanligini eslatib o‘tamiz. Bu milliy valyutadagi tebranishlardan sarmoyani himoyalash imkonini beradi. Shuningdek, obligatsiyalar zarur bo‘lganda tikilgan pul mablag‘larini investorlarga qaytarish uchun sotilishi mumkin bo‘lgan ko‘chmas mulk bilan ta’minlangandir”.
Ma’lumot uchun
Freedom Finance – xalqaro miqyosdagi tizim tashkil qiluvchi investitsiya kompaniyasi bo‘lib, 7 ta mamlakatda faoliyat yuritadi: Qozog‘iston, Rossiya, Germaniya, Ukraina, Qirg‘iziston, O‘zbekiston va Kipr.
Kompaniya Freedom Holding Corp xalqaro guruhi tarkibiga kiradi.
First Development Group’ga 2017-yilda, Toshkentda asos solingan. Qozog‘istonning turli profildagi kompaniyalarni birlashtiruvchi va biznesda 20 yildan ziyod faoliyat yuritayotgan Gesheft Group xoldingiga kiradi.
Toshkentda kompaniya quyidagi loyihalar bilan tanilgan:
- Parkent Plaza TJM — u uchta bosqichdan iborat. Dastlabki ikkita bosqich 2018—2019-yillarda foydalanishga to‘liq topshirildi. Hozirda loyihaning 522 ta xonadondan iborat uchinchi bosqichini qurish davom etmoqda.
- Riverside TJM – 5 ta blokdan iborat, daryo bo‘yidagi turar joy. Birinchi blok joriy yil dekabr oyida topshiriladi.
- Fayzli TJM – sotilishi joriy yil kuzida boshlanadigan 6 qavatli turar joy majmuasi.
- Hozirda FDGda ikkita yangi istiqbol mavjud: Aviapark biznes markazi va Manhattan turar joy mavzesi.
- Kompaniya LEED (Leadership in Energy and Environmental Design) xalqaro sertifikatiga ega O‘zbekistondagi birinchi qurish kompaniyasi bo‘ldi.
Izoh (0)