First Development Group девелоперлик компанияси «Тошкент» РФБда облигациялар жойлаштиришни якунлади. Восита даромадлилиги йиллик 8 фоизни ташкил қилди. Сотувлар январдан февралгача давом этди. Freedom Finance МЧЖ ХК андеррайтер сифатида иштирок этди.
Евгений Можейко, Freedom Finance МЧЖ ХК ижрочи директори:
«Савдолар қуйидаги кўрсаткичлар билан якунланди: жисмоний шахслар томонидан очилган ҳисоблар — 156 та, юридик шахсларники – 9 та. Бундай қисқа вақт ичида янги инвесторлар қарийб 5 миллиард сўмлик облигациялар эгаси бўла олди, қолган ҳажм амалдаги мижозлар томонидан сотиб олинди.
Шунингдек, облигациялар обуна кампанияси доирасида Freedom Finance томонидан Тошкентда ва бутун Ўзбекистон бўйича филиалларимизда ўқув тадбирлари ташкил этилди. Уларда қарийб 400 нафар янги инвестор қатнашди.
12 кунлик савдода эълон қилинган ҳажмнинг 100 фоизига обуна ёпилди. Бу савдо бозоримиз учун рамзий маънога эга: FDG облигациялари Ўзбекистон фонд бозори тарихидаги валюта курси ўзгаришларига индексацияланган биринчи облигациялар, шунингдек, бу «Тошкент» республика фонд биржаси листингидаги масъулияти чекланган жамиятларнинг кейинги 15 йилдаги илк облигацияларидир. Бундан ташқари, бу кейинги бир неча йиллардаги энг қисқа муддатли облигация жойлашуви бўлди.
Шунинг баробарида, облигацияларнинг номинал қиймати ва купонлар бўйича тўловлар АҚШ доллари курсига боғланганлигини эслатиб ўтамиз. Бу миллий валютадаги тебранишлардан сармояни ҳимоялаш имконини беради. Шунингдек, облигациялар зарур бўлганда тикилган пул маблағларини инвесторларга қайтариш учун сотилиши мумкин бўлган кўчмас мулк билан таъминлангандир».
Маълумот учун
Freedom Finance – халқаро миқёсдаги тизим ташкил қилувчи инвестиция компанияси бўлиб, 7 та мамлакатда фаолият юритади: Қозоғистон, Россия, Германия, Украина, Қирғизистон, Ўзбекистон ва Кипр.
Компания Freedom Holding Corp халқаро гуруҳи таркибига киради.
First Development Group’га 2017 йилда, Тошкентда асос солинган. Қозоғистоннинг турли профилдаги компанияларни бирлаштирувчи ва бизнесда 20 йилдан зиёд фаолият юритаётган Gesheft Group холдингига киради.
Тошкентда компания қуйидаги лойиҳалар билан танилган:
- Parkent Plaza ТЖМ — у учта босқичдан иборат. Дастлабки иккита босқич 2018—2019 йилларда фойдаланишга тўлиқ топширилди. Ҳозирда лойиҳанинг 522 та хонадондан иборат учинчи босқичини қуриш давом этмоқда.
- Riverside ТЖМ – 5 та блокдан иборат, дарё бўйидаги турар жой. Биринчи блок жорий йил декабрь ойида топширилади.
- Fayzli TJM – сотилиши жорий йил кузида бошланадиган 6 қаватли турар жой мажмуаси.
- Ҳозирда FDGда иккита янги истиқбол мавжуд: Aviapark бизнес маркази ва Manhattan турар жой мавзеси.
- Компания LEED (Leadership in Energy and Environmental Design) халқаро сертификатига эга Ўзбекистондаги биринчи қуриш компанияси бўлди.
Изоҳ (0)