Kuni kecha oilaviy kiyim-kechak chakana savdosi bilan shug‘ullanuvchi INDENIM kompaniyasining 2020-yil sarhisobi hamda 5 yillik strategiyasiga bag‘ishlangan yillik konferensiyasi bo‘lib o‘tdi. Unda o‘tgan yil ko‘rsatkichlari va 2021—2025-yil uchun oldinga qo‘yilgan ustuvor vazifalar muhokamasi olib borildi.
Ma’lumki, 2020-yil barcha uchun sinovli yil bo‘ldi. Shunga qaramay, kompaniya pandemiya sharoitida respublikaning Samarqand, Andijon, Namangan, Qarshi, Qo‘qon, Olmaliq, Angren, Bekobod, Chirchiq, G‘ijduvon, Kitob, Jarqo‘rg‘on shaharlarida har birining maydoni o‘rtacha 1000-1200 kvadrat metr bo‘lgan, jami 15 ta yangi filial ochishga ulgurdi. Qolaversa, kompaniya 2020-yilning o‘zida poytaxtda va hududlarda 650 dan ortiq yangi ish o‘rinlarini yaratdi. Umumiy hisobda INDENIM kompaniyasi 2020-yilni O‘zbekistonning 20 ta shahrida 28 ta do‘kon bilan yakunladi va hozirda kompaniyada 1500 nafardan ortiq ishchi o‘z mehnat faoliyatini olib bormoqda.
Tadbir davomida kompaniyaning 5 yilga mo‘ljallangan istiqbolli rejalari va oldinga qo‘yilgan ulkan maqsadlari bo‘yicha INDENIM strategiyasi taqdim etildi. 2021—2025-yil uchun strategiya quyidagilarni o‘z ichiga oladi:
- 5 yil mobaynida Rossiya, Qozog‘iston, Ukraina, Belorussiya, Qirg‘iziston, Tojikiston, Armaniston, Gruziya, Ozarbayjon, Moldova kabi MDH davlatlarida 500 dan ziyod filiallarni ochish va yillik aylanma miqdorini 500 million AQSh dollariga yetkazish;
- onlayn do‘kon savdosini rivojlantirish;
- Fast-fashion bozorida MDH davlatlarining eng kuchli va barqaror brendlaridan biriga aylanish;
- kuchli va yetuk mutaxassislar hamda liderlarni yetishtirish.
- O‘zbekiston bo‘ylab barcha hududlardagi filiallarning sonini 100 taga yetkazish;
- INDENIM Design Academy’ni yaratish;
- “Liderlar maktabi” ni yaratish;
- INDENIM Retail Academy’ga asos solish;
- xodimlar uchun ingliz, rus va turk tillarini o‘rgatish kurslarini yo‘lga qo‘yish;
- yilning eng yaxshi “HR brand” unvonini olish, ya’ni yilning eng yaxshi ish beruvchisi bo‘lish;
- 4000 dan ziyod yangi ish o‘rinlarini yaratish.
Tadbir mobaynida INDENIM kompaniyasi bosh ijrochi direktori (CEO) Murat Azamov va bosh direktor (General director) Azizbek Boboazizov kompaniyaning istiqbolli rejalari to‘g‘risida nutq so‘zladi. Shuningdek, kompaniyaning faol xodimlari yil mobaynida qilgan mehnati va ko‘rsatgan shijoati uchun turli nominatsiyalar bo‘yicha sertifikat, pul mukofotlari bilan taqdirlandi.
INDENIM’ning bosh ijrochi direktori (CEO) Murat Azamovning ta’kidlashicha:
Buyuk natijalarni faqatgina buyuk jamoalar amalga oshirishi mumkin. Shu munosabat bilan biz o‘z oldimizga qo‘ygan maqsadlar va belgilangan natijalarga erishish uchun nafaqat O‘zbekistonda, balki butun dunyoda eng yuqori natijalarni ko‘rsatadigan, yetakchi “Orzudagi jamoa” (Dream team) ni tuzishga qaror qildik. Chunki INDENIM kompaniyasining eng muhim qadriyatlaridan biri, bu odamlarning rivojlanishi va ularning hayotini yaxshilashdir.Ulkan maqsadlar sababli hozirgi kunda kompaniyamizda biz bilan birga xalqaro darajagacha o‘sib, rivojlanishga tayyor bo‘lgan shijoatli, intiluvchan va tashabbuskor kadrlarni izlash bilan faol shug‘ullanmoqdamiz. Biz munosib nomzodlar uchun eng yaxshi sharoitlarni taklif qilishga tayyormiz. Hozir bizning kompaniyamizda quyidagi bo‘limlarda bo‘sh ish o‘rinlari mavjud: chakana savdo bo‘limi (retail), vizual merchendayzing (VM), marketing, moliya boshqaruvi, xodimlar bilan ishlash (HR), mahsulotni boshqarish, IT, logistika, omborxona, buxgalteriya, ta’minot, design va boshqalar... Bizning bo‘sh ish o‘rinlarimizga qiziqish bildirgan barcha nomzodlar (+998 95) 610 11 11 raqamiga qo‘ng‘iroq qilib, ma’lumot olishi mumkin. Biz butun O‘zbekiston bo‘ylab nomzodlarni ko‘rib chiqmoqdamiz.
INDENIM oilaviy kiyim markazi barcha xonadonlar uchun zamonaviy kiyimlarni hamyonbop narxda, keng assortimentlarda taqdim etayotganidan, shuningdek, aholi bandlik darajasini oshirishga o‘z hissasini qo‘shayotganidan mamnun.
Reklama huquqi asosida.
Izoh (0)