Ko‘pincha biron-bir yo‘nalishdagi ta’limni yakunlagan yoshlar o‘z mutaxassisligi bo‘yicha mehnat faoliyatini yo‘lga qo‘yishda qiyinchiliklarga duch kelishadi. Garchi ular o‘qishni a’lo baholarga tamomlagan bo‘lsalarda, olgan bilimlarni amaliyotda qo‘llash biroz qiyin kechadi. Natijada ularda o‘ziga bo‘lgan ishonch, motivatsiya pasayib ketishi, bazida esa umuman boshqa bir yo‘nalishga o‘tib ketish holatlari kuzatiladi. Xo‘sh, nega shunday? Aslida, ishda muvaffaqiyatga erishish uchun universitetni a’lo baholarga bitirishning o‘zi yetarli bo‘lishi kerak emasmi?
Gap shundaki, hozirda zamonning shiddat bilan o‘zgarib borishi oqibatida bugungi yangilik ertaga eskirib qolishi hech gap emas. Albatta, nazariyani yaxshi o‘zlashtirish muhim. Biroq ba’zi jabhalarda o‘zgarishlar nisbatan tez ro‘y berayotgani tufayli nazariyada olgan bilim va metodlarni amaliyotda to‘liq qo‘llab bo‘lmay qoldi. Shu sabab imkon qadar olingan bilimni yo‘l-yo‘lakay amaliyot bilan mustahkamlash, bo‘shliqlar o‘rnini yangi tajribalar bilan to‘ldirib borish maqsadga muvofiq.
Afsuski, hamma OTMlarda ham bu jarayonni to‘liq yo‘lga qo‘yishning imkoni yo‘q. Shu bois, ko‘pincha bitiruvchilarda diplom olgandan keyingi ishga joylashishgacha bo‘lgan davr qiyin kechadi. Endilikda bu kabi muammolarning yechimi bor. Xalqaro ta’lim bo‘yicha Amerika kengashlarining yosh professionallar uchun amaliyot dasturi (Young Professional Internships Program) talabalarni yuqoridagi kabi muammolar haqida qayg‘urib, xavotirga tushishdan xalos etadi.
O‘zbekistondagi biznes va STEM (aniq va tabiiy fanlar, internet texnologiya, muhandislik va matematika) talabalari yoki ushbu yo‘nalishlarda kasbiy faoliyat yuritishga mo‘ljallangan yozgi amaliyot dasturidagi yoshlar 8 hafta mobaynida o‘z tajriba va ko‘nikmalarini oshirib olishi mumkin.
Toshkent shahrida o‘tkaziladigan amaliyot davomida talabalar malakali mutaxassislar, jumladan, amerikalik ustozlardan saboq olishadi. Viloyatdan keladigan yoshlarga amaliyot davrida poytaxtda yashash xarajatlarini ta’minlash maqsadida 250 AQSh dollari miqdorida stipendiya beriladi.
Xalqaro ta’lim bo‘yicha Amerika kengashlarining ushbu (YPIP) amaliyot dasturi orqali yosh mutaxassislar O‘zbekistonda konsalting, marketing, moliya, axborot texnologiyalari va boshqa sohalarda faoliyat yuritayotgan kichik biznes, startaplarda ish o‘rganib, o‘z karyerasini qurish yo‘llarini o‘rganish imkoniyatiga ega bo‘ladi. Shunigdek, ushbu dastur iste’dodli, tayyor kadrlarni izlayotgan kompaniyalar uchun ham foydalidir. Loyiha tashkilotchilari buni ham inobatga olgan holda malakali xodimlarga ehtiyoj sezayotgan kompaniyalarni hamkorlikka chorlaydi.
Amaliyot dasturining maqsadi:
- haqiqiy vazifalarni hal qilishda jamoa va kompaniya yetakchisi bilan ishlash;
- kasbiy mahoratni oshirish, serqirra mutaxassisni tarbiyalash;
- maxsus o‘quv mashg‘ulotlari orqali malaka oshirish bo‘yicha ma’lumotlar;
- ish beruvchilar talabiga javob bera oladigan kadr bo‘lish va rezyumeni jozibador qilish sirlari;
- biznes uchun ingliz tilidagi bepul kurslarni o‘tish kabilarni o‘rgatishdan iborat.
Agar sizda biznes yoki STEM sohalariga qiziqish bo‘lsa, shuningdek, siz O‘zbekistondagi oliy o‘quv yurtida ta’lim olish va bepul ingliz tili kurslarida o‘qishni xohlasangiz, shoshiling!
Amaliyot dasturi 2021-yil 1-iyuldan 31-avgustga qadar bo‘lib o‘tadi.
Ro‘yxatdan o‘tish va batafsil ma’lumot uchun quyidagi havolaga o‘ting: https://ais.americancouncils.org/ypip
Arizalar 2021-yil 24-martga qadar qabul qilinadi.
YPIP amaliyot dasturi AQSh davlat departamenti tomonidan moliyalashtiriladi va uni xalqaro ta’lim uchun Amerika kengashlari amalga oshiradi. Agar sizda savollar bo‘lsa, quyidagi elektron manzilga yozib yuborishingiz mumkin: mmuydinova@americancouncils.org
Manzil: Shota Rustaveli ko‘chasi 12, Grand biznes markazi.
Veb-sayt: uzbekistan.americancouncils.org
Facebook: fb.com/AmericanCouncilsUzbekistan
Instagram: americancouncils.uz
Telegram: t.me/ACCELS
Reklama huquqi asosida.
Izoh (0)