Футбол бўйича Германия Бундеслигасининг 23-турида «Бавария» 27 февраль, шанба куни «Кёльн»ни меҳмон қилди.
Мюнхенда кечган баҳс голларга бой бўлди. «Бавария» умумий ҳисобда 5 бор рақиб дарвозасини ишғол қилди. Роберт Левандовски ва Серж Гнабри дублга эришган бўлса, Эрик Шупо-Мотинг ўз ҳисобига битта гол ёздириб қўйди. «Кёльн» бу голларга Эле Схирининг ягона голи билан жавоб қайтарди.
Мазкур ғалабадан кейин «Бавария» очколари сонини 52 тага етказиб, пешқадамликни мустаҳкамлаган бўлса, «Кёльн» (21) 14-ўринда бормоқда.
Яна бир учрашув «Боруссия Д» ва «Арминия» ўртасида кечди. Ушбу баҳс ҳам майдон эгаларининг тўлиқ устунлигида ўтди. Дортмунд клуби Маҳмуд Доуд, Жейдон Санчо ва Рейнернинг голларига эвазига уч очкони қўлга киритди.
Ғалабадан сўнг очколарини 39 тага етказган «Боруссия» мусобақа жадвалида 5-ўринда бормоқда, «Арминия» эса 18 очко билан 16-поғонадан жой олган.
Бундеслига
23-тур баҳслари27 февраль, шанба
«Бавария» — «Кёльн» 5:1
Голлар: 1:0 – 18 Шупо-Мотинг, 2:0 – 33 Левандовски, 2:1 – 49 Схири, 3:1 – 65 Левандовски, 4:1 – 82 Гнабри, 5:1 – 86 Гнабри.«Бавария»: Нойер, Зюле, Боатенг, Алаба, Дэвис (Люка Эрнандес, 72), Горетцка, Киммих (Хави Мартинес, 87), Мусиала (Мюллер, 64), Шупо-Мотинг (Гнабри, 64), Левандовски, Сане (Данташ, 87).
«Кёльн»: Ҳорн, Чихос (Ҳорн, 46), Хорхе Мере, Честич, Якобс (Каттербаҳ, 85), Вольф, Схири, Ўзжан, Реджбечай (Дрекслер, 71), Дуда (Майер, 71), Деннис (Тилманн, 46).
Огоҳлантиришлар: Алаба (22), Сане (45), Чихос (45).
«Боруссия Д» — «Арминия» 3:0
Голлар: 1:0 – 48 Дауд, 2:0 – 58, пенальти Санчо, 3:0 – 81 Рейнер.«Боруссия Д»: Ҳиц, Морей (Менье, 80), Ҳуммелс (Загаду, 85), Жан, Геррейру, Рейна (Азар, 70), Санчо, Дауд (Брандт, 85), Беллингем, Ройс (Рейнер, 80), Ҳоланд.
«Арминия»: Ортега, Брюннер, Нилссон, Пипер, Барретт-Лаурсен, Доан (Окугава, 75), Притл, Кунсе (Зойферт, 75), Клос (Влап, 62), Кордова (Шипплок, 62), Фоглзаммер (Гебауэр, 62).
Огоҳлантиришлар: Пипер (57), Кунсе (71), Притл (83).
Изоҳ (0)