“Manchester Siti” Premyer Liga 25-turida kechgan “Arsenal”ga qarshi kechgan 21-fevral kungi o‘yinda 1:0 hisobida g‘alabaga erishdi.
“Shaharliklar” barcha musobaqalarda ketma-ket 11 ta safar o‘yinini g‘alaba bilan yakunladi. Bu seriya orqali ular Angliya oliy divizioni klublari uchun rekord hisoblangan natijani takrorladi. 2017-yilda aynan “Manchester Siti” ushbu rekordni o‘rnatgandi.
So‘nggi bor Pep Gvardiola shogirdlari 2020-yilning 12-dekabrida “Manchester Yunayted” maydonida g‘alaba qozona olmagandi (0:0).
Keyingi safar o‘yini Chempionlar Ligasi 1/8 finali doirasida 24-fevral kuni “Borussiya M”ga qarshi bo‘ladi.
Shuningdek, “Siti” APL doirasida kechgan “Arsenal”ga qarshi o‘yinlarning ketma-ket sakkiztasini g‘alaba bilan yakunladi. Umumiy hisob — 19:2.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)