«Манчестер Сити» Премьер Лига 25-турида кечган «Арсенал»га қарши кечган 21 февраль кунги ўйинда 1:0 ҳисобида ғалабага эришди.
«Шаҳарликлар» барча мусобақаларда кетма-кет 11 та сафар ўйинини ғалаба билан якунлади. Бу серия орқали улар Англия олий дивизиони клублари учун рекорд ҳисобланган натижани такрорлади. 2017 йилда айнан «Манчестер Сити» ушбу рекордни ўрнатганди.
Сўнгги бор Пеп Гвардиола шогирдлари 2020 йилнинг 12 декабрида «Манчестер Юнайтед» майдонида ғалаба қозона олмаганди (0:0).
Кейинги сафар ўйини Чемпионлар Лигаси 1/8 финали доирасида 24 февраль куни «Боруссия М»га қарши бўлади.
Шунингдек, «Сити» АПЛ доирасида кечган «Арсенал»га қарши ўйинларнинг кетма-кет саккизтасини ғалаба билан якунлади. Умумий ҳисоб — 19:2.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)