Futbol bo‘yicha Angliya Premyer Ligasining 25-turi doirasida “Manchester Siti” 21-fevral, yakshanba kuni “Arsenal” maydoniga safar qildi.
Dastlabki daqiqalardan hujumga o‘tgan “Manchester Siti” futbolchilari tezkor gol urishga muvaffaq bo‘ldi: Riyod Mahrez yuqoridan oshirib bergan to‘pni Rahim Sterling boshi bilan darvozaga aniq yo‘lladi. Bu gol o‘yin yakunigacha yagonaligini saqlab qoldi.
Mazkur g‘alabadan so‘ng Gvardiola shogirdlari 59 ochko bilan APL musobaqa jadvalida yaqqol peshqadam bo‘lib turibdi. Jamoa eng yaqin ta’qibchisi — “Lester”dan 10 ochko oldinda. O‘z uyida mag‘lubiyat qabul qilib olgan “Arsenal” turnir jadvalining qoq markazi — 10-o‘rinda bormoqda.
APL
25-tur bahslari
21-fevral, yakshanba
“Arsenal”—“Manchester Siti” 0:1
Gol: 0:1 – 2 Sterling.
“Arsenal”: Leno, Tirni, Holding (David Luiz, 82), Mari, Belyerin, an-Nenni (Sebalyos, 86), Edegor (Lyakazett, 73), Saka, Jaka, Pepe (Smit-Rou, 73), Obameyang.
“Manchester Siti”: Ederson, Stounz, Ruben Diash, Joau Kanselu, Zinchenko, de Bryuyne (Gabriel Jezus, 63), Fernandinyo, Mahrez, Gundo‘g‘an, Sterling, Bernardu Silva.
Ogohlantirishlar: Bernardu Silva (51), Jaka (53), Joau Kanselu (64), Belyerin (87).
“Aston Villa”—“Lester” 1:2
Gollar: 0:1 – 19 Meddison, 0:2 – 23 Barns, 1:2 – 48 Traore.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)