Футбол бўйича Англия Премьер Лигасининг 25-тури доирасида «Манчестер Сити» 21 февраль, якшанба куни «Арсенал» майдонига сафар қилди.
Дастлабки дақиқалардан ҳужумга ўтган «Манчестер Сити» футболчилари тезкор гол уришга муваффақ бўлди: Риёд Маҳрез юқоридан ошириб берган тўпни Раҳим Стерлинг боши билан дарвозага аниқ йўллади. Бу гол ўйин якунигача ягоналигини сақлаб қолди.
Мазкур ғалабадан сўнг Гвардиола шогирдлари 59 очко билан АПЛ мусобақа жадвалида яққол пешқадам бўлиб турибди. Жамоа энг яқин таъқибчиси — «Лестер»дан 10 очко олдинда. Ўз уйида мағлубият қабул қилиб олган «Арсенал» турнир жадвалининг қоқ маркази — 10-ўринда бормоқда.
АПЛ
25-тур баҳслари
21 февраль, якшанба
«Арсенал»—«Манчестер Сити» 0:1
Гол: 0:1 – 2 Стерлинг.
«Арсенал»: Лено, Тирни, Ҳолдинг (Давид Луиз, 82), Мари, Бельерин, ан-Ненни (Себальос, 86), Эдегор (Ляказетт, 73), Сака, Жака, Пепе (Смит-Роу, 73), Обамеянг.
«Манчестер Сити»: Эдерсон, Стоунз, Рубен Диаш, Жоау Канселу, Зинченко, де Брюйне (Габриэль Жезус, 63), Фернандиньо, Маҳрез, Гундўған, Стерлинг, Бернарду Сильва.
Огоҳлантиришлар: Бернарду Сильва (51), Жака (53), Жоау Канселу (64), Бельерин (87).
«Астон Villa»—«Лестер» 1:2
Голлар: 0:1 – 19 Мэддисон, 0:2 – 23 Барнс, 1:2 – 48 Траоре.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)