Futbol bo‘yicha Italiya A Seriyasining 23-turida 21-fevral, yakshanba kuni “Milan” va “Inter” o‘zaro to‘qnash keldi.
Bellashuv “Inter”ning ustunligida o‘tdi. Bu hisobda ham o‘z aksini topdi. Uchrashuvning 5-daqiqasida Lautaro Martines hisobni ochdi va uning o‘zi 57-daqiqada dubl qayd etdi. Ikkinchi goldan 9 daqiqa o‘tib, Romelu Lukaku hisobni yirik ko‘rinishga olib keldi — 0:3.
23-turdan keyin Antonio Konte shogirdlari 53 ochko, “Milan” esa 49 ochko jamg‘argan. Milan klublari 1 va 2-o‘rinlarni band qilib turibdi.
A Seriya
23-tur bahsi
21-fevral, yakshanba
“Milan”—“Inter” 0:3
Gollar: 0:1 – 5 Martines, 0:2 – 57 Martines, 0:3 – 66 Lukaku.
“Milan”: Donnarumma, Kalabriya, Kyer, Romanyoli, Teo, Salemakers (Rafael Leau, 67), Tonali (Meyte, 67), Chalxono‘g‘lu, Kessie, Rebich, Ibragimovich (Kastilyexo, 75).
“Inter”: Handanovich, Shkrinyar, Bastoni, de Vrey, Hakimi (Yang, 83), Eriksen (Galyardini, 78), Barella (Vidal, 86), Brozovich, Perishich (Darmian, 78), Martines (Sanches, 79), Lukaku.
Ogohlantirishlar: Kyer (12), Hakimi (22), Salemakers (56).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)