“Liverpul” Premyer Liga 25-turi doirasida kechgan 20-fevral kungi o‘yinda “Everton”ga yutqazib qo‘ydi (0:2).
Yurgen Klopp qo‘l ostidagi jamoaning APL 2020/21-yilgi mavsumida uy o‘yinlaridagi mag‘lubiyatli seriyasi to‘rttaga yetdi. Avvalroq jamoa “Byornli” (0:1), “Brayton” (0:1) va “Manchester Siti”ga (1:4) mag‘lub bo‘lgandi.
Bu “Liverpul” uchun Angliya chempionati tarixidagi 1923-yildan keyingi eng yomon seriya bo‘ldi.
“Liverpul” umumiy hisobda “Enfild”da olti o‘yindan beri g‘alaba qozona olmayapti. So‘nggi bor jamoa 16-dekabrda “Tottenhem”ga qarshi o‘yinni (2:1) g‘alaba bilan tugatgandi.
Qayd etish joiz, “Liverpul” Premyer Ligadagi mazkur mag‘lubiyatli seriyaga qadar o‘z uyida ketma-ket 63 o‘yinda yutqazmagan va 1980-yilgi shaxsiy rekordini takrorlagandi.
“Qizillar” keyingi uy o‘yinini 4-mart kuni “Chelsi”ga qarshi o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)