AQShning Nyu-Jersi shtatidagi Atlantik-Siti shahrida mamlakatning sobiq prezidenti Donald Trampga tegishli bo‘lgan 39 qavatli Trump Plaza kazino va mehmonxonasi portlatildi. Video mahalliy “nj.com” portalining YouTube kanaliga joylandi. Bu haqda “RIA Novosti” xabar berdi.
Ma’lum bo‘lishicha, binoning buzilishini tomosha qilish uchun shaharning ko‘plab aholisi to‘plangan.
Portalning yozishicha, bino 1984-yilda ishga tushgan va shaharning o‘ninchi kazinosi bo‘lgan, lekin 2014-yilda yopilgan. Uning yopilishi natijasida minglab odamlar ishsiz qolgan. Ish faoliyati to‘xtatilgach, mulkka egalik huquqi Trump Entertainment Resorts’dan Icahn Enterprises qo‘liga o‘tgan.
Shahar meri Marti Smollning ta’kidlashicha, 2020-yilda u o‘z ma’muriyati oldiga qulab tushishni boshlagan ushbu binoni buzish vazifasini qo‘ygan.
Avvalroq Atlantik-Sitida Trampga tegishli bo‘lgan mehmonxonani portlatish huquqi auksion orqali sotilayotgani haqida xabar berilgan edi.
Izoh (0)