АҚШнинг Нью-Жерси штатидаги Атлантик-Сити шаҳрида мамлакатнинг собиқ президенти Дональд Трампга тегишли бўлган 39 қаватли Trump Plaza казино ва меҳмонхонаси портлатилди. Видео маҳаллий «nj.com» порталининг YouTube каналига жойланди. Бу ҳақда «РИА Новости» хабар берди.
Маълум бўлишича, бинонинг бузилишини томоша қилиш учун шаҳарнинг кўплаб аҳолиси тўпланган.
Порталнинг ёзишича, бино 1984 йилда ишга тушган ва шаҳарнинг ўнинчи казиноси бўлган, лекин 2014 йилда ёпилган. Унинг ёпилиши натижасида минглаб одамлар ишсиз қолган. Иш фаолияти тўхтатилгач, мулкка эгалик ҳуқуқи Trump Entertainment Resorts’дан Icahn Enterpriseс қўлига ўтган.
Шаҳар мэри Марти Смоллнинг таъкидлашича, 2020 йилда у ўз маъмурияти олдига қулаб тушишни бошлаган ушбу бинони бузиш вазифасини қўйган.
Аввалроқ Атлантик-Ситида Трампга тегишли бўлган меҳмонхонани портлатиш ҳуқуқи аукцион орқали сотилаётгани ҳақида хабар берилган эди.
Изоҳ (0)