Finlyandiyada koronavirusning yangi mutatsiyasi aniqlandi. Bu haqda Xelsinki universiteti biotexnologiya instituti hamda, Finlyandiyaning janubidan olingan namunada SARS-CoV-2 virusining ilgari noma’lum variantiga duch kelgan, Vita laboratoriyasi xabar berdi, deb yozmoda “RBK”.
Yangi mutatsiya Fin-796H deb nomlandi. Mutatsiyada koronavirusning Britaniya va Janubiy Afrikada aniqlangan turlariga xos xususiyatlar mavjud. Makzur shtammni PZR testi bilan aniqlash qiyin bo‘lishi mumkin, deya qayd etilgan laboratoriya ma’lumotida.
2020-yil dekabr oyida Buyuk Britaniya hukumati mamlakatda koronavirusning yangi, yuqumliroq turi aniqlanganini e’lon qildi. “Britancha” shtammning o‘limga olib kelish ehtimoli yuqoriroq, shuningdek u odatiy shaklga qaraganda tezroq tarqaladi.
Ko‘p mamlakatlar, shu jumladan, Rossiya ham Buyuk Britaniyaga parvozlarni vaqtincha to‘xtatdi. Rossiyalik virusolog yangi variantning tez tarqalayotgani sababli u asta-sekin eski shtamm o‘rnini bosishini aytgan. Yanvar oxirlariga kelib, koronavirusning yangi shtammi 60 ga yaqin mamlakatda qayd etildi.
Avvalroq AQShda koronavirusning “britancha” va “amerikacha” shtammi birlashuvidan hosil bo‘lgan gibrid turi aniqlangani haqida xabar berilgandi. Mutaxassislarning fikricha, yangi tur, aftidan, “rekombinatsiya hodisasi”, ya’ni virus yuqishi paytida aloqada bo‘lgan viruslar o‘rtasida genlar almashinuvi natijasida paydo bo‘lgan.
Izoh (0)