Nukus shahri Tatibayev ko‘chasi bo‘yida qurilayotgan ko‘p qavatli turar joy binosida kamchiliklar aniqlanib, binoning devorlari qayta tiklash uchun buzib tashlandi. Bu haqda Qoraqalpog‘iston Respublikasi Qurilish vazirligi axborot xizmatiga tayanib, O‘zA xabar berdi.
Ma’lum qilinishicha, mazkur obyektning loyiha hujjatlari “Arx energo proyekt” MChJ tomonidan ishlab chiqilgan, quruvchi esa “Nukus Shaxzoda Afruz” MChJ. Qurilayotgan 5 qavatli ko‘p zonali turar joy binosining qurilish-montaj ishlaridagi kamchiliklarni Qoraqalpog‘iston Respublikasi Qurilish sohasida nazorat inspeksiyasi aniqlagan.
“Aniqlangan kamchiliklarni bartaraf qilish maqsadida binoda olib borilayotgan qurilish-montaj ishlari to‘xtatilib, turar joy binosining devorlari qayta tiklash uchun buzilmoqda”, — deyiladi xabarda.
Avvalroq mahalliy internet nashrlarda va ijtimoiy tarmoqlarda “Shaharda yangi qurilayotgan ko‘p qavatli turar joy binosining 3—4-qavatlari qulab tushganga o‘xshaydi. Binoning qulab tushgan qismi mato bilan yopib qo‘yilgan. Qulab tushgan temir beton plitalari yuk mashinasida tashib ketilmoqda” degan xabar tarqalgandi.
Mavzuga doir:
Izoh (0)