Poytaxtdagi IT park majmuasining shourumida Axborot texnologiyalari va kommunikatsiyalarini rivojlantirish vaziri Shuhrat Sodiqov soha tashkilotlarida faoliyat yuritayotgan va ixtisoslashtirilgan o‘quv yurtlarida tahsil olayotgan yoshlar bilan ochiq muloqot o‘tkazdi.
Ochiq muloqotda vazirlik oldida turgan dolzarb vazifalar va rejalar haqida so‘z bordi. Jumladan, “Yoshlarni qo‘llab-quvvatlash va aholi salomatligini mustahkamlash yili” davlat dasturi doirasida, vazirlik tomonidan ko‘plab amalga oshirish kerak bo‘lgan ishlar belgilab olingan.
Yoshlar va mas’ullar o‘rtasida to‘g‘ridan to‘g‘ri muloqot o‘rnatishga xizmat qiluvchi “Yoshlar murojaati” elektron platformasini yaratish, yoshlarni IT sohasiga yanada qiziqtirish, ularning bu boradagi bilim va ko‘nikmalarini oshirish maqsadida, joriy yilda 100 dan ziyod shahar va tumanda raqamli texnologiyalar o‘quv markazlari tashkil qilinadi.
Shu bilan birga, Toshkent viloyatida Axborot texnologiyalari universiteti filiali va barcha hududlarda mazkur yo‘nalishda texnikumlar faoliyati yo‘lga qo‘yiladi.
2021-yildan boshlab xalqaro IT sertifikatlarini qo‘lga kiritgan yoshlarga xarajatlarining 50 foizigacha bo‘lgan qismini qoplab berish vazifalari belgilandi.
Reklama huquqi asosida.
Izoh (0)