UFC prezidenti Deyna Uayt yengil vazn divizionida promoushen chempioni Habib Nurmagomedovdan (29-0) titulni tortib olish niyati yo‘qligi haqida gapirdi.
“Habib — chempion. U Las-Vegasga uchib keladi. Biz tushlik qilamiz va gaplashib olamiz. Ko‘ramiz, nima bo‘lar ekan”, — deydi Uayt.
Avvalroq Habib chempionlik kamaridan voz kechishga qarshi emasligi va bu uni bosimdan xalos etishi haqida gapirgandi.
Eslatib o‘tamiz, 2020-yilning 24-oktabr kuni bo‘lib o‘tgan UFC 254 asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qilgandi.
Mavzuga doir:
- Habib Nurmagomedov o‘zi egalik qiladigan EFC promoushenida jang qiladimi? Bunga sportchining o‘zi javob berdi
- Habib Nurmagomedov futbolchi bo‘lish maqsadi haqida: “Buni Ronaldu bilan muhokama qildim, UEFA va PSJ prezidentlari bilan suhbatlashdim”
- Habib Nurmagomedov UFC’dagi faoliyati davomida qancha mablag‘ ishlab topgani hisoblab chiqildi
Izoh (0)