So‘nggi yangiliklar
    • USD 12297.88
    • RUB 138.27
    • EUR 13496.92
    Sport

    Habib Nurmagomedov UFC’dagi faoliyati davomida qancha mablag‘ ishlab topgani hisoblab chiqildi

    38873

    The Sports Daily portali yengil vazn toifasida UFC chempioni Habib Nurmagomedovning (29-0) promoushendagi janglarda to‘plagan daromadini hisoblab chiqdi.

    Foto: UFC

    Foto: UFC

    Habib UFC’da 13 ta jang o‘tkazgan va ularda jami 14,77 million dollar daromad qilgan. Mazkur hisob-kitoblardan rossiyalik sportchining faqat kafolatlangan gonorarlari va jang natijasidan olgan bonuslari o‘rin oldi. Televizion huquqlar sotilishidan tushadigan ulush va boshqa shunga o‘xshash daromadlar hisobga olinmagan.

    Qayd etish joiz, Habib ushbu daromadlarning 80 foizdan ko‘prog‘ini so‘nggi ikki jangida qo‘lga kiritgan.

    Quyida Nurmagomedov har bir musobaqada qancha mablag‘ ishlab topgani bilan tanishing:

    UFC on FX (raqib: Kamol Shalorus) — 16 ming dollar;

    UFC 148 (Gleyson Tibau) – 20 ming dollar;

    UFC on FX (Tiagu Tavares) – 24 ming dollar;

    UFC 160 (Abel Truxilyo) – 25,2 ming dollar;

    UFC 165 (Pet Hili) – 46 ming dollar;

    UFC on Fox (Rafael dos Anyos) – 64 ming dollar;

    UFC on Fox (Darrell Horcher) – 53 ming dollar;

    UFC 205 (Maykl Jonson) – 57 ming dollar;

    UFC 219 (Edson Barboza) – 215 ming dollar;

    UFC 223 (El Yakvinta) – 530 ming dollar;

    UFC 229 (Konor Makgregor) – 1,54 million dollar;

    UFC 242 (Dastin Porye) – 6,09 mln dollar;

    UFC 254 (Jastin Getji) – 6,09 mln dollar.

    Umumiy — 14,77 million dollar

    Eslatib o‘tamiz, 2020-yilning 24-oktabr kuni bo‘lib o‘tgan UFC 254 asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qilgandi.

    × Lightbox Image