Angliya Premyer Ligasining yanvar oyidagi eng yaxshi murabbiyi nomi ma’lum bo‘ldi. Bu haqda liga matbuot xizmati ma’lum qildi.
“Manchester Siti” ustozi Pep Gvardiola Angliya chempionatida yanvar oyining eng yaxshi murabbiyi deb topildi. Ispaniyalik mutaxassis boshchiligidagi jamoa ortda qolgan oydagi oltita o‘yinning barchasida g‘alaba qozondi va ularda umumiy 16:1 hisobini qayd etdi.
Ushbu nom uchun shuningdek, quyidagi murabbiylar kurash olib borgandi:
- Mikel Arteta (“Arsenal”) — 5 o‘yinda 3 g‘alaba va 2 ta durang;
- Devid Moyes (“Vest Hem”) — 5 o‘yinda 4 g‘alaba va 1 mag‘lubiyat;
- Grem Potter (“Brayton”) — 5 o‘yinda 2 ta g‘alaba, 1 durang va 2 ta mag‘lubiyat.
Eslatib o‘tamiz, 2020-yilning dekabr oyida “Aston Villa” bosh murabbiyi Din Smit APLning eng yaxshi murabbiyi deb topilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)