Angliya Premyer Ligasining yanvar oyidagi eng yaxshi o‘yinchisi nomi ma’lum bo‘ldi. Bu haqda liga matbuot xizmati ma’lum qildi.
“Manchester Siti” hujumkor yarim himoyachisi Ilkay Gundo‘g‘an APLda yanvar oyining eng yaxshisi deb topildi. Germaniyalik futbolchi o‘tgan oydagi olti o‘yinda beshta gol urishga muvaffaq bo‘ldi. 30 yoshli futbolchi ilk bor mazkur sovringa ega chiqdi.
Shuningdek, ushbu sovrin uchun quyidagi futbolchilar da’vogar edi:
- Bernd Leno (“Arsenal”) — 5 ta o‘yin, 1 ta o‘tkazib yuborilgan gol;
- Kreyg Douson (“Vest Hem”) — 5 ta o‘yin, 2 ta gol;
- Jon Stounz (“Manchester Siti”) — 5 ta o‘yin, 2 ta gol;
- Jek Grilish (“Aston Villa”) — 5 ta o‘yin, 1 ta gol, 3 ta assist;
- Jeyms Meddison (“Lester”) — 5 ta o‘yin, 3 ta gol, 1 ta assist;
- Mateus Pereyra (“Vest Bromvich”) — 5 ta o‘yin, 4 ta gol;
- Bukayo Saka (“Arsenal”) — 4 ta o‘yin, 3 ta gol, 1 assist.
“Liverpul” hujumchisi Muhammad Salohning “Vest Hem” darvozasiga kiritgan to‘pi oyning eng chiroyli goli nomiga loyiq ko‘rildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)