Professional boksning yengil vazn (-61,2 kg) toifasida harakat qilib kelayotgan o‘zbekistonlik Elnur Abduraimov (6-0, 6 KO) 14-fevral tongida jang qilmaydigan bo‘ldi.
Avvalroq Abduraimov o‘zining navbatdagi jangini Toshkent vaqti bilan 14-fevral kuni AQShning Indio shahrida o‘tkazishi va Elnurga kolumbiyalik 39 yoshli bokschi Deyvi Xulio (21-9, 13 KO) raqiblik qilishi haqida xabar berilgandi. “Sports.uz”ning yozishicha, jangning bekor bo‘lishiga Xulioning belgilangan muddatda komissiya tasdig‘idan o‘ta olmaganligi sabab bo‘lgan.
Ma’lumot uchun, mazkur boks oqshomida yana bir o‘zbekistonlik bokschi Bektemir Meliqo‘ziyev (6-0, 5 KO) mahalliy bokschi Morgan Fitchga (19-4-1, 8 KO) qarshi jang qiladi.
Abduraimov oxirni jangini 2020-yilning 13-dekabrida o‘tkazgan va unda meksikalik 22 yoshli bokschi Abraham Olivani (4-1, 3 KO) birinchi raunddayoq nokautga uchratgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)