Rossiyaning “Sputnik V” koronavirusga qarshi vaksinasi Qozog‘iston hukumati tomonidan tasdiqlandi, deyiladi vaksinaning Twitter’dagi rasmiy akkauntida.
Ma’lum qilinishicha, Qozog‘iston “Sputnik V” vaksinasini tasdiqlagan 27-davlat bo‘ldi. Vaksina ilgari Yevropa, Lotin Amerikasi, Yaqin Sharq, Afrika, Osiyo va Shimoliy Amerikaning 26 davlatida tasdiqlangan.
Ta’kidlanishicha, Gamaleya tomonidan ishlab chiqarilgan ushbu vaksina davlatlar tomonidan eng ko‘p tasdiqlangan uchta vaksinaning biri hisoblanadi.
Qayd etilishicha, oxirgi sutka davomida Qozog‘istonda 951 nafar odamda koronavirus aniqlangan. Bemorning umumiy soni 200 044 kishiga yetgan.
Ma’lumot uchun, shu vaqtgacha “Sputnik V” vaksinasi Vengriya, Livan, Serb Respublikasi, Jazoir, Argentina, Belarus, Boliviya, BAA, Serbiya, Falastin, Venesuela, Paragvay, Pokiston, Mo‘g‘uliston, Turkmaniston va Eronda foydalanish uchun tasdiqlangan edi.
Avvalroq Qozog‘iston Pfizer vaksinasini yetkazib berish to‘g‘risidagi memorandumni imzolagani hamda mamlakatda aholini koronavirusga qarshi emlash boshlangani haqida xabar berilgandi.
Izoh (0)