“Men doim ro‘yxat oxirida qoladigan semiz qiz bo‘lganman”. Keyt Uinslet o‘ziga nisbatan past baho va qo‘rquvlari haqida gapirdi

Taniqli aktrisa Keyt Uinslet kutilmagan ma’lumot bilan bo‘lishdi, uning aytishicha, “Titanik”dagi muvaffaqiyatiga qaramay, o‘zini Gollivud uchun juda semiz deb bilgan.

Bugungi kunda hech kim aktrisaning iste’dodiga shubha qilmaydi. Ammo yulduzning o‘zi karyerasining boshida filmlarga suratga tushishga loyiqmi yoki yo‘qligini aniq bilmagan. Uinsletning so‘zlariga ko‘ra, butun dunyo bo‘ylab mashhurlikka erishgan “Titanik” filmida suratga tushish vaqtida uning xayolida bir qancha shubhalar bo‘lgan.

Aslida Londondagi Reding shaharchasida tug‘ilgan Keyt birinchi marta “Titanik” filmida amerikalik qiz rolini ijro etgan. U bunga qadar Leonardo Di Kaprio bilan “Gilbert Greypni nima qiynamoqda?” va “Basketbolchining kundaligi” filmida partnyor bo‘lib ishlagan.

“Va men shunchaki britaniyalik Keyt edim. Shuningdek, semiz va hamisha navbati oxirida keladigan qiz bo‘lganman, chunki familiyam ‘u’ harfidan boshlanadi. Shu sababli kasting paytida har doim ham navbatim kelmagan. Lekin nima bo‘lganda ham ‘Titanik’da ishtirok etdim”.

“Rostini aytsam, men Gollivuddan qo‘rqar edim, − deb qo‘shimcha qiladi Keyt. − Men uni shunday katta va qo‘rqinchli joy deb tasavvur qilar edimki, u yerda hamma deyarli ingichka va o‘ziga xos ko‘rinishga ega bo‘lishi kerak edi. Men esa bu talablarga mos kelmasligimni va buning uchun mehnat qilish kerakligini bilardim. Shunda ham ich-ichimdan bunga loyiq emasligimni his qilganman”.

Keytning shubhalari “Oskar” nominatsiyasidan keyin ham saqlanib qoldi. U yosh hamda kelishgan aktrisalar bilan raqobatlasha olmaganligi uchun ham o‘zini shunchaki omadli deb bildi. “Men o‘zimni faqatgina omadliman, deb o‘ylar edim. 25 yoshda ona bo‘lganimdan so‘ng yana barchasi o‘zgarib ketgan. Qizim tug‘ilganidan ikki yil o‘tgach, menga “Sof aqlning abadiy porlashi” filmida rol o‘ynash taklifi tushdi. Menimcha, bu karyeramdagi burilish nuqtasi edi, chunki shundan keyin odamlar meni dramatik aktrisa sifatida qabul qila boshlagan”.

Aktrisaning uch nafar farzandi bor: Mia, Jo va Bear.

“Titanik” premyerasidan 23 yil o‘tgach Uinslet yana Kemeronning filmida rol ijro etdi, bu safar tamoman boshqa yo‘nalish − “Avatar”ning davomi edi. Film birinchi qismdagi voqealardan bir necha yil o‘tgandan keyingi hayotni hikoya qiladi, unda bosh qahramonlar − Jeyk va Neytirining qizi ham bor. Ular birgalikda o‘z uylaridan chiqib, Pandoraning turli qismlarini o‘rganadi. Filmning davomi 2022-yil dekabrida ekranlarga chiqishi kutilmoqda, uchinchi qism esa 2024, to‘rtinchi qism 2026 va beshinchisi 2028-yilga mo‘ljallangan.