Bugungi kunda 130 ga yaqin davlatning 2,5 milliard aholisi koronavirusga qarshi vaksina olish imkoniga ega emas. Bu haqda JSST rahbari Tedros Gebreyesus va YuNISEF ijrochi direktori Genrietta Forning hamkorlikdagi bayonotiga tayanib, “Korrespondent.net” xabar berdi.
“Hozirgacha emlashda qo‘llanilgan 128 million dozadagi vaksinaning to‘rtdan uch qismidan ko‘prog‘i faqat 10 ta mamlakatda amalga oshirilgan, bu mamlakatlar ko‘rsatkichlari jahon YaIMning 60 foiziga to‘g‘ri keladi”, — deyiladi bayonotda.
Tashkilot rahbarlari ushbu holatni hayot va tiriklikka xavf soladigan, virusga mutatsiyaga uchrash va emlanishdan himoyalanishga qo‘shimcha imkoniyat beradigan hamda jahon iqtisodiyotining qayta tiklanishiga to‘sqinlik qiladigan muvaffaqiyatsiz strategiya deb atadi.
Shu munosabat bilan JSST va YuNISEF xavf guruhidagilarni emlab bo‘lgan davlatlarni COVAX mexanizmi orqali preparatlar bilan bo‘lishishga va koronavirusga qarshi vaksinalar ishlab chiqaruvchilarni cheklangan ta’minotni adolatli taqsimlashga chaqirdi.
“COVID-19 bizning taqdirlarimiz bir-biri bilan chambarchas bog‘liqligini ko‘rsatdi. G‘alaba qozonamizmi, mag‘lub bo‘lamizmi, buni birgalikda bajaramiz”, — deya xulosa qildi tashkilot rahbarlari.
Avvalroq JSST ekspertlari koronavirus yuqtirishning to‘rt xil yo‘lini aniqlagani va koronavirusga qarshi birinchi vaksina tasdiqlangani haqida xabar berilgandi.
Mavzuga doir:
- JSST ekspertlari: COVID-19 2019-yil dekabridan avvalroq paydo bo‘lgan bo‘lishi mumkin
- Koronavirus laboratoriyada yaratilmagan. U odamga qandaydir hayvondan yuqqan bo‘lishi mumkin. Uxanga borib kelgan JSST ekspertlari o‘z xulosalarini ma’lum qildi
- JSST COVID-19’ga qarshi emlash bepushtlikka olib kelishini rad etdi
Izoh (0)